Valentine Day करा खास, जोडीदाराकडे प्रेम व्यक्त करण्यासाठी बनवा ‘हार्ट शेप पिझ्झा’

व्हॅलेंटाईन वीक सगळीकडे वेगवेगळ्या पद्धतीने साजरा केला जातो. काही जोडप्याना बाहेर फिरायला आवडते तर काहींना एकमेकांसाठी स्पेशल काही तरी करायला आवडते. त्यामुळे यंदाच्या व्हॅलेंटाईनला पार्टनरसाठी हार्ट शेप पिझ्झा बनवू शकता.

7 फेब्रुवारीपासून सगळीकडे व्हॅलेंटाईन वीक सुरु होणार आहे. 7 फेब्रुवारी ते 14 फेब्रुवारी पर्यंत व्हॅलेंटाईन वीक साजरा केला जातो. या दिवसांमध्ये अनेक जोडपी एकमेकांसोबत वेळ घालवतात, तर जोडपी बाहेर फिरायला जाण्याचा प्लॅन करतात. मात्र अनेकांना घरी राहून पार्टनरसोबत व्हॅलेंटाइन डे साजरा करायला आवडतो. या दिवशी अनेक पार्टनर आपल्या आवडत्या व्यक्तीसाठी काहींना काही खास पदार्थ बनवतात. घरी बनवलेल्या चविष्ट पदार्थांचा गप्पा मारत आनंद घेतला जातो. त्यामुळेच आज आम्ही तुम्हाला व्हॅलेंटाइन डे आणखीन स्पेशल साजरा होण्यासाठी सोप्या पद्धतीमध्ये हार्ट शेप पिझ्झा बनवण्याची सोपी रेसिपी सांगणार आहोत. तुम्ही बनवलेला हार्ट शेप पिझ्झा तुमच्या पार्टनरला नक्कीच आवडेल. हा पिझ्झा बनवण्यासाठी जास्त वेळ आणि साहित्य लागत नाही. त्यामुळे तुम्ही झटपट हार्ट शेप पिझ्झा बनवू शकता. चला तर जाणून घेऊया हार्ट शेप पिझ्झा बनवण्याची सोपी रेसिपी.(फोटो सौजन्य – iStock)

साहित्य:

• पिझ्झा बेस
• चीज
• पिझ्झा सॉस
• शिमला मिरची
• टोमॅटो
• ओरेगॅनो
• चिली फ्लेक्स

Valentines Day 2025: 14 फेब्रुवारीचा दिवस बनवा खास, बिस्किटांपासून घरीच तयार करा ‘चॉको लाव्हा केक’

See more

कृती:

• हार्ट शेप पिझ्झा बनवण्यासाठी सर्वप्रथम, ओव्हन 200 डिग्री प्री-हीटवर चालू करून ठेवा.
• त्यानंतर पिझ्झा बेस घेऊन हार्ट शेपमध्ये व्यवस्थित कापून घ्या. पिझ्झा बेस कापताना तो मध्ये कुठीही कापू नये.
• हार्ट शेपमध्ये पिझ्झा बेस कापून झाल्यानंतर त्यावर पिझ्झा सॉस लावून वरून तुमच्या आवडीनुसार भाज्या ठेवा.
• त्यानंतर वरून किसून घेतलेला साधं चीज आणि मोजेरेला चीज टाकून वरून ओरेगॅनो, चिली फ्लेक्स टाका.
• पिझ्झा तयार झाल्यानंतर गरम ओव्हरमध्ये पिझ्झा 15 मिनिटं बेक होण्यासाठी ठेवा.
• तयार आहे सोप्या पद्धतीमध्ये बनवलेला हार्ट शेप पिझ्झा. तुम्ही बनवलेला हा पिझ्झा तुमच्या पार्टनरला नक्कीच आवडेल.