१५ मिनिटांमध्ये घरातील लहान मुलांसाठी झटपट बनवा गूळ-ज्वारीचा पौष्टिक केक, विकतपेक्षा लागेल चविष्ट

आज आम्ही तुम्हाला सोप्या पद्धतीमध्ये लहान मुलांसाठी गूळ ज्वारीचा केक बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडतो. जाणून घ्या रेसिपी.

घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडणारा पदार्थ म्हणजे केक. वाढदिवसाच्या दिवशी किंवा कोणत्याही शुभ प्रसंगी घरात केक आणला जातो. केक पाहिल्यानंतर सगळ्यांच्या तोंडाला पाणी सुटते. बाजारात अनेक वेगवेगळ्या फ्लेव्हरचे केक उपलब्ध आहेत. चॉकलेट केक, स्ट्रॉबेरी केक, बटरस्कॉच केक इत्यादी फ्लेव्हरचे केक उपलब्ध असतात. पण नेहमीच विकतचा केक आणून खाण्यापेक्षा घरी बनवलेला केक खावा. विकत मिळणाऱ्या केकमध्ये मोठ्या प्रमाणावर साखर असते. अतिप्रमाणात साखरेचे सेवन केल्यामुळे शरीरात मधुमेह वाढण्याची जास्त शक्यता असते. म्हणूनच आज आम्ही तुम्हाला लहान मुलांसाठी गूळ ज्वारीचा केक बनवण्याची सोपी रेसिपी सांगणार आहोत. हा केक घाईगडबडीच्या वेळी सुद्धा झटपट तयार होतो. याशिवाय मधुमेहाचे रुग्ण गुळाचे सेवन करू शकता. चला तर जाणून घेऊया गूळ ज्वारीचा केक बनवण्याची सोपी कृती.(फोटो सौजन्य – istock)

सकाळच्या नाश्त्यासाठी १० मिनिटांमध्ये झटपट बनवा मऊ-मोकळा शेवयांचा उपमा, अजिबात होणार नाही चिकट

साहित्य:

• ज्वारीचं पीठ
• गूळ
• कोको पावडर
• तेल
• बेकिंग सोडा
• व्हॅनिला इसेन्स
• दूध
• सुका मेवा

लहान मुलांसाठी सकाळच्या नाश्त्यात झटपट बनवा शेवग्याचे सूप, रोगप्रतिकारशक्ती वाढण्यासोबतच हाडे राहतील मजबूत

कृती:

• गूळ ज्वारीचे केक बनवण्यासाठी सर्वप्रथम, मोठ्या वाटीमध्ये ज्वारीचे पीठ घेऊन त्यात किसलेला गूळ, कोको पावडर, तेल, बेकिंग सोडा, व्हॅनिला इसेन्स, दूध आणि सुका मेवा टाकून व्यवस्थित मिक्स करून घ्या.
• तयार केलेले मिश्रण जास्त पातळ किंवा घट्ट करू नये. दूध योग्य प्रमाणात ओतावे.
• केक बनवण्यासाठी छोट्या छोट्या वाट्याना तेल लावून घ्या. तयार केलेले मिश्रण वाट्यांमध्ये भर.
• मोठी कढई घेऊन ती प्री – हिट करून घ्या. त्यानंतर छोटे स्टॅन्ड ठेवून त्यावर वाट्या ठेवा आणि वाफ बाहेर जाणार नाही असे ताटात ठेवून झाकण मारून घ्या.
• २० ते २५ मिनिटं केक वाफवण्यासाठी ठेवा. केक वाफवल्यानंतर काढून घ्या आणि चॉकलेट सिरप ओतून केक सर्व्ह करा.
• तयार आहे सोप्या पद्धतीमध्ये बनवलेला गूळ ज्वारीचा केक. हा पदार्थ लहान मुलांसह मोठ्यांसुद्धा खूप जास्त आवडेल.