माधुरी दीक्षितने सांगितलेली कांदा भजीची रेसिपी नक्की बनवून पहा,भजी होतील कुरकुरीत

कांदाभजी खाण्याचा मोह कोणालाच आवरत नाही. अशावेळी अनेक लोक कांदाभजी बाहेरून विकत घेऊन येतात. पण विकत आणलेले पदार्थ खाण्यापेक्षा घरी बनवलेले हेल्दी टेस्टी पदार्थ खावेत जे आरोग्यसाठी सुद्धा फायदेशीर आहेत. अभिनेत्री माधुरी दीक्षितने नुकतीच कांदाभजी बनवण्याची सोपी रेसिपी शेअर केली आहे. तुम्हीसुद्धा कांदाभजीची रेसिपी नक्की बनवून पहा.

पावसाळ्याचे दिवस सुरु झाल्यानंतर पहिली आठवण कांदा भजीची येते. कांदा भजीसोबत गरमागरम चहा असेल तर आणखीनच मस्त. पावसाळ्याच्या दिवसांमध्ये अनेक कांदाभजी सर्वच घरांमध्ये बनवली जाते. कांदाभजीसोबत इतर वेगवेगळ्या पदर्थांपासून बनवललेया भजी सुद्धा बनवल्या जातात. कांदाभजी खाण्याची इच्छा झाल्यानंतर अनेक लोक ती बाहेरून विकत घेऊन येतात, पण सतत बाहेरचे पदार्थ खाल्ल्याने आरोग्य बिघडू शकते. घरी बनवलेल्या भजी आरोग्यासाठी सुद्धा हेल्दी असतात.

बॉलिवूडमधील प्रसिद्ध अभिनेत्री माधुरी दीक्षितने सुद्धा आपल्या इंस्टाग्राम पेजवरून कांदा भजी घरच्या घरी सोप्या पद्धतीमध्ये कशी बनवायची याची सोपी शेअर केली आहे. यामध्ये तिने कांदाभजी कुरकुरीत होण्यासाठी कोणते पदार्थ वापरावे, याबद्दल सांगितलं आहे. चला तर जाणून घेऊया माधुरी दीक्षितने सांगितलेली कांदा भजीची रेसिपी.(फोटो सौजन्य-istock)

साहित्य:

• कांदे
• बेसन
• मीठ
• लाल तिखट
• हळद
• तेल
• तांदळाचे पीठ
• आले लसूण पेस्ट

See more

कृती:

• कांदाभजी बनवण्यासाठी सर्वप्रथम कांद्यांची साल काढून कांदे पातळ उभे चिरून घ्या.
• त्यानंतर कांद्यांमध्ये बेसन पीठ, तांदळाचे पीठ,अर्धा चमचा हळद, अर्धा चमचा लाल तिखट, चवीनुसार मीठ घालून मिक्स करून घ्या.
• मिक्स करून झाल्यानंतर त्यात आलं लसूण पेस्ट, बारीक चिरलेली कोथिंबीर, हिरव्या मिरच्या घालून मिक्स करून घ्या.
• कांदाभजी बनवताना पाण्याचा वापर करून नये. कांद्यातील पाण्यात भजीचे मिक्स करावे.
• भजी तळण्यासाठी कढईमध्ये तेल गरम करावे.तेल गरम झाल्यानंतर तुम्हाला हव्या त्या आकाराच्या भजी तेलात टाकून तळून घ्या.
• तयार आहे खमंग कुरकुरीत कांदाभजी.