गोड पदार्थ खाण्याची इच्छा झाली आहे? मग घरीच बनवा मालपुवा, पदार्थाची कायम राहील चव

घरी आलेल्या पाहुण्यांसाठी गोड पदार्थ काय बनवावं? असा प्रश्न अनेकदा सगळ्यांचं पडतो. अशावेळी झटपट तुम्ही रव्याचे मालपुवा बनवू शकता. मालपुवा बनवण्यासाठी जास्त वेळ लागत नाही. चला तर जाणून घेऊया मालपुवा बनवण्याची सोपी रेसिपी.

सणाच्या दिवशी किंवा इतर कार्यक्रमांच्या वेळी घरी गोड पदार्थ बनवले जातात. शिवाय इतर वेळी कधीही गोड पदार्थ खाण्याची इच्छा झाल्यानंतर घरी शिरा, तांदळाची खीर किंवा शेवयांची खीर बनवली जाते. पण नेहमी नेहमी तेच गोड पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही रवा आणि साखरेचे वापर करून चविष्ट मालपुवा बनवू शकता.मालपुवा बनवण्यासाठी जास्त वेळ लागत नाही. कमीत कमी साहित्यामध्ये झटपट तुम्ही हा पदार्थ बनवू शकता. घरी पाहुणे आल्यानंतर किंवा संध्याकाळच्या चहाच्या वेळी बनवण्यासाठी हा पदार्थ उत्तम पर्याय आहे. अनेक लोक मालपुवा बनवण्यासाठी साखरेच्या पाकचा वापर करतात. मात्र तुम्ही गुळाचा वापर करूनसुद्धा सोप्या पद्धतीमध्ये मालपुवा बनवू शकता. गुळाचे पदार्थ मधुमेह असलेले रुग्ण सुद्धा खाऊ शकता. चला तर जाणून घेऊया मालपुवा बनवण्याची सोपी रेसिपी.

नवनवीन रेसिपीसाठी इथे किल्क करा

साहित्य:

• रवा
• वेलची पावडर
• एक जातीची बडीशेप
• मलाई
• दूध
• गव्हाचं पीठ
• बारीक चिरलेले काजू बदाम
• साखर किंवा गूळ

नवनवीन रेसिपीसाठी इथे किल्क करा

कृती:

• मालपुवा बनवण्यासाठी सर्वप्रथम, मिक्सरमधून वेलची आणि बडीशेप बारीक वाटून पावडर तयार करून घ्या.
• त्यानंतर मोठ्या बाऊलमध्ये गव्हाचं पीठ, बारीक रवा, वेलची आणि बडीशेप पावडर टाकून व्यवस्थित मिक्स करून घ्या.
• नंतर त्यात दूध आणि आवश्यकतेनुसार साखर घालून मिक्स करा. तयार केलेल्या पिठात २ चमचे मलाई घालून मिक्स करून घ्या.
• मालपुवा बनवताना तयार केलेल्या मिश्रणातील साखर पूर्णपणे वितळल्याशिवाय मालपुवा बनवू नये.
• त्यानंतर पॅनमध्ये तेल टाकून पॅन गरम करून घ्या. नंतर त्यावर लहान लहान आकाराचे मालपुवा बनवून दोन्ही बाजूने व्यवस्थित भाजा.
• सगळ्यात शेवटी वरून काजू बदाम टाकून सर्व्ह करा. तयार आहे सोप्या पद्धतीमध्ये बनवलेले मालपुवा.