कमीत कमी साहित्यामध्ये सोप्या पद्धतीमध्ये बनवा ‘आंब्याचा स्वादिष्ट जाम’, ब्रेड चपातीसोबत चव लागेल सुंदर

उन्हाळ्याच्या दिवसांमध्ये बाजारात मिळणाऱ्या आंब्यांपासून सोप्या पद्धतीमध्ये तुम्ही घरी आंब्याचा जाम बनवू शकता. तुम्ही बनवलेला जाम घरातील लहान मुलं ब्रेड किंवा चपातीसोबत आवडीने खातील.

उन्हाळा ऋतूला सुरुवात झाल्यानंतर बाजारात मोठ्या प्रमाणावर आंबे उपलब्ध असतात. चवीला गोड रसाळ आंबे लहान मुलांपासून अगदी मोठ्यांपर्यंत सगळ्यांचं खूप आवडतात. अंब्याचे नाव घेतल्यानंतर अनेकांच्या तोंडाला पाणी सुटते. याशिवाय पिकलेल्या आंब्यांपासून अनेक वेगवेगळे पदार्थ बनवले जातात. आमरस, आंबा पोळी, आंब्याची साठ, आंब्याचा रस इत्यादी अनेक पदार्थ बनवले जातात. मात्र आज आम्ही तुम्हाला कमीत कमी साहित्यामध्ये आंब्याचा चविष्ट जाम बनवण्याची सोपी रेसिपी सांगणार आहोत. बाजारात वेगवेगळ्या फळांचे जाम उपलब्ध आहेत. पण केमिकलयुक्त पदार्थांचा वापर करून जाम बनवण्यापेक्षा घरगुती पदार्थांचा वापर करून तुम्ही सोप्या पद्धतीमध्ये आंब्याचा जाम बनवू शकता. चला तर जाणून घेऊया आंब्याचा जाम बनवण्याची सोपी रेसिपी.(फोटो सौजन्य – iStock)

लहान मुलांसाठी सकाळच्या नाश्त्यात झटपट बनवा ‘चॉकलेट चिकू मिल्कशेक’, काही मिनिटांमध्ये तयार होईल पदार्थ

साहित्य:

• पिकलेले आंबे
• साखर
• लिंबाचा रस

आंबटगोड कच्च्या कैरीपासून बनवा चवदार कैरीच्या वड्या, लहान मुलांसह मोठेसुद्धा खातील आवडीने

कृती:

• आंब्याचा जाम बनवण्यासाठी सर्वप्रथम, बाजारातून विकत आणलेले आंबे स्वच्छ धुवून घ्या. त्यानंतर त्यानंतर त्याच्या वरील साल काढून आंब्याचे तुकडे करा.
• आंब्याचे तुकडे केल्यानंतर मिक्सरच्या भांड्यात आंब्याचे तुकडे टाकून रस काढून घ्या.
• कढई गरम करण्यासाठी ठेवा. कढई गरम झाल्यानंतर गॅस मंद आचेवर ठेवून त्यात आंब्याचा रस ओतून व्यवस्थित मिक्स करा.
• आंब्याच्या मिश्रणाचा रंग बदलण्यास सुरुवात झाल्यानंतर त्यात साखर टाकून व्यवस्थित मिक्स करा.
• सगळ्यात शेवटी मिश्रण घट्ट झाल्यानंतर त्यात लिंबाचा रस घालून पुन्हा एकदा शिजवून घ्या.
• तयार करून घेतलेला जाम काचेच्या बरणीमध्ये भरून ठेवा. तयार आहे सोप्या पद्धतीमध्ये बनवलेला जाम.