शरीरातील ऊर्जा कायम टिकून ठेवण्यासाठी सोप्या पद्धतीमध्ये घरी बनवा मावा लस्सी, नोट करून घ्या चविष्ट पदार्थ

नेहमीच दह्याची साधी लस्सी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये मावा लस्सी बनवू शकता. जाणून घ्या मावा लस्सी बनवण्याची सोपी रेसिपी.

श्रावण महिन्यात केलेला उपवासाचा आरोग्यासाठी अतिशय गुणकारी आहे. त्यामुळे उपवासाच्या दिवसांमध्ये कायमच हेल्दी पदार्थ खावेत. तसेच उपवास केल्यानंतर भरपूर पाण्याचे सेवन करावे. पाणी प्यायल्यामुळे शरीर हायड्रेट राहते. पण बऱ्याचदा उपवासाच्या दिवशी काहीच न खाल्यामुळे शरीरात थकवा, अशक्तपणा जाणवू लागतो. संपूर्ण शरीर डिहायड्रेट होऊन जाते. उपवासाच्या दिवशी साबुदाणा खिचडी, वरीचा भात, साबुदाणा वडा इत्यादी तेलकट पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये मावा लस्सी बनवण्याची सोपी रेसिपी सांगणार आहोत. उपवास केल्यानंतर अनेक लोक लस्सी पितात. लस्सीचे नाव ऐकल्यानंतर सगळ्यांच्या तोंडाला पाणी सुटते. एक ग्लास लस्सीचे सेवन केल्यामुळे शरीरात दीर्घकाळ ऊर्जा टिकून राहते. चला तर जाणून घेऊया मावा लस्सी बनवण्याची सोपी रेसिपी.(फोटो सौजन्य – istock)

रविवार होईल आणखीनच मजेदार! सकाळच्या नाश्त्यासाठी झटपट बनवा पनीर कॉर्न सँडविच, नोट करून घ्या रेसिपी

साहित्य:

• दही
• साखर
• मावा
• बर्फाचे तुकडे
• वेलची पावडर
• काजू बदाम तुकडे

साबुदाणे खाऊन कंटाळा आला आहे? मग सोप्या पद्धतीमध्ये बनवा उपवास भाजणीचे थालीपीठ, नोट करून घ्या पदार्थ

कृती:

• मावा लस्सी बनवण्यासाठी सर्वप्रथम, मिक्सरच्या भांड्यात दही घेऊन त्यात आवश्यकतेनुसार साखर घालून मिक्सरमधून पेस्ट तयार करा.
• त्यानंतर त्यात मावा टाकून पुन्हा एकदा बारीक वाटून घ्या.
• तयार केलेल्या लस्सीमध्ये वेलची पावडर टाकून पुन्हा एकदा मिक्स करा. काचेच्या ग्लासात बर्फाचे खड्डे टाका.
• वरून तयार केलेली लस्सी टाकून वरून सजावटीसाठी काजू बदामचे तुकडे टाकून लस्सी सर्व्ह करा.
• तयार आहे सोप्या पद्धतीमध्ये बनवलेली मावा लस्सी. एक ग्लास प्यायल्यामुळे शरीराला ऊर्जा मिळेल.