Recipe : सकाळच्या नाश्त्यात काय बनवावं ते सुचत नाहीये? मग अशाप्रकारे बनवा टेस्टी मिलेट नगेट्स

Milet Cutlet Recipe : सकाळच्या नाश्त्यासाठी टेस्टी अशा पदार्थाच्या शोधात असाल तर मिलेट नगेट्स तुमच्यासाठी योग्य पर्याय ठरेल. शेफ कुणाल कपूरने याची रेसिपी शेअर केली आहे.

(फोटो सौजन्य: Pinterest)

Follow Us:

Follow Us:

• सकाळचा नाश्ता करा हेल्दी आणि टेस्टी.
• घरी बनवा मिलेट कटलेट.
• ही रेसिपी सकाळच्या किंवा संध्याकाळच्या नाश्त्यासाठी परफेक्ट ठरते.

Recipe : विकेंडसाठी खास, अशाप्रकारे बनवा कुरकुरीत आणि टेस्टी ‘चिकन पकोडा’ ‘

साहित्य

• तेल १ छोटा चमचा
• हिंग अर्धा छोटा चमचा
• जिरे १ छोटा चमचा
• ठेचलेली काळी मिरी
• कढीपत्त्याची एक काडी
• हिरव्या मिरच्या २ चिरलेल्या
• आल्याचा तुकडा
• पाणी ४ कप
• चवीनुसार मीठ
• भाजलेले शेंगदाणे अर्धा कप
• काजू अर्धा कप
• किसलेले गाजर अर्धा कप
• घेवडा अर्धा कप
• उकडलेला मका अर्धा कप
• हिरवे वाटाणे अर्धा कप
• हळद चिमूटभर
• चिली फ्लेक्स १ छोटा चमचा
• वरईचा तांदूळ
• हिरवी कोथिंबीर चिरलेली
• तूप २ छोटे चमचे

कृती

• पाैष्टिक मिलेट कटलेट तयार करण्यासाठी सर्वप्रथम एक खोलगट भांडे गॅसवर ठेवा आणि त्यात चमचाभर तेल घाला.
• तेल गरम झाले की त्यात हिंग, जिरेपूड, काळी मिरीपूड, कढीपत्ता, चिरलेली हिरवी मिरची आणि किसलेले आले घालून खमंग अशी फोडणी तयार करा.
• यानंतर त्यात आवश्यकतेनुसार पाणी आणि मीठ घाला आणि एक उकळी येऊ द्या.
• आता यात भाजलेले शेंगदाणे, कुटलेले काजू, किसलेले गाजर, वाटाणे, चिरलेली घेवडा, मका, हळद आणि
• चिली फ्लेक्स घालून सर्व साहित्य नीट एकजीव करा.
• मिश्रण सतत ढवळत राहा जेणेकरुन यात गुठळ्या होऊ नयेत.
• आता यात वरईचा तांदूळ घाला आणि ढवळून मिश्रण काही मिनिटे शिजू द्या.
• गॅस बंद करा आणि तायर मिश्रण एका ताटात पसरवून थंड करुन घ्या.
• मिश्रण थंड झाले की, याचे नगेट्स तयार करा, तुम्हाला हवा तसा आकार तुम्ही याला देऊ शकता.
• शेवटी गॅसवर कढई ठेवून यात तेल गरम करा.
• गरम तेलात तयार नगेट्स टाका आणि ४-५ मिनिटे मध्यम आचेवर यांना कुरकुरीत होईपर्यंत तळून घ्या.
• गरमागरम मिलेट नगेट्स टोमॅटो केचप किंवा तुमच्या आवडीच्या साॅससोबत खाण्यासाठी सर्व्ह करा.

Web Title: How to make milet cutlet at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com