शिराळ्याच्या साली फेकून देत असाल तर थांबा! जेवणात तोंडी लावण्यासाठी बनवा चटकदार सालींची चटणी

आज आम्ही तुम्हाला सोप्या पद्धतीमध्ये शिराळ्याच्या सालींची चटणी बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या रेसिपी.

लहान मुलांपासून अगदी मोठ्यांपर्यंत अनेकांना शिराळ्याची भाजी खायला अजिबात आवडत नाही. भाजी पाहिल्यानंतर नाक मुरडतात. पण गुणकारी घटकांनी समृद्ध असलेल्या भाजीचे कधीतरी आहारात सेवन करावे. भाजीच्या सेवनामुळे शरीराला भरमसाट फायदे होतात. शिराळी आणल्यानंतर भाजी बनवताना त्याच्या वरील साल काढून फेकून दिली जाते. पण याच सालींचा वापर करून तुम्ही सोप्या पद्धतीमध्ये चटकदार चटणी बनवू शकता. शिराळ्याच्या सालींची चटणी कमीत कमी साहित्यात झटपट तयार होतो. याशिवाय गरमागरम भाकरी किंवा भातासोबत सुद्धा खाऊ शकता. जेवणात तोंडू लावण्यासाठी प्रत्येकाला काहींना काही हवे असते. अशावेळी बाहेरील विकतच्या तेलकट पदार्थांचे सेवन करण्याऐवजी घरी बनवलेल्या खमंग चटणीचे सेवन करावे. शिराळ्याच्या सालींची चटणी आठवडाभर व्यवस्थित टिकून राहते. सालींची चटणी लहान मुलांच्या डब्यात सुद्धा देऊ शकता. यामुळे मुलांच्या पोटात पौष्टिक पदार्थ जातील. चला तर जाणून घेऊया शिराळ्याच्या सालींची चटणी बनवण्याची सोपी रेसिपी.(फोटो सौजन्य – istock)

डब्यासाठी स्पेशल थंडीत घरी बनवा खमंग आणि हेल्दी ‘मटर पराठा’, रेसिपी आहे फार सोपी

साहित्य:

• शिराळ्याच्या साली
• ओल्या खोबऱ्याचा किस
• लसूण
• तीळ
• तेल
• जिरं
• कांदा
• हळद
• गरम मसाला
• धणे पावडर
• मीठ

Fried Rice Recipe: फोडणीच्या भाताला द्या ‘या’ पद्धतीने युनिक फोडणी, चमचमीत पदार्थाने वाढेल जेवणाची चव

कृती:

• शिराळ्याच्या सालींची चटणी बनवण्यासाठी सर्वप्रथम, मिक्सरच्या भांड्यात शिराळाच्या साली काढून घ्या. जाडसर बारीक वाटून कढईमधील गरम तेलात टाका.
• साली व्यवस्थित भाजल्यानंतर त्यात ओल्या खोबऱ्याच्या किस आणि तीळ घालून मिक्स करा.
• त्यानंतर त्यात बारीक चिरलेला लसूण, जिरे, कांदा घालून व्यवस्थित भाजून घ्या. भाजून झाल्यानंतर त्यात लाल तिखट, हळद,
• गरम मसाला आणि धणे पावडर घालून पुन्हा एकदा व्यवस्थित भाजा.
• तयार आहे सोप्या पद्धतीमध्ये बनवलेली शिराळ्याच्या सालींची चटणी.