लहान मुलांसाठी २० मिनिटांमध्ये बनवा खमंग पौष्टिक फुटाणे, सर्दीसाठी ठरतील उपयुक्त

सतत तेलकट तिखट पदार्थ खाल्यामुळे आरोग्य बिघडण्याची शक्यता असते. लहान मुलांना सतत बाहेरचे पदार्थ खाण्याची सवय लागली की ती लवकर कमी होत नाही. त्यामुळे विकतचे पदार्थ खायला देण्यापेक्षा घरी बनवलेले घरगुती पदार्थ खायला द्यावेत. अशावेळी तुम्ही मुलांना हरभाऱ्यांपासून बनवलेले फुटाणे खायला देऊ शकता. फुटाणे झटपट आणि कमीत कमी साहित्यामध्ये बनवता येतात. तसेच फुटाणे खाल्ल्यामुळे शरीरातील रक्त वाढण्यास मदत होते.

लहान मुलं घरी असल्यानंतर त्यांना सतत भूक लागत राहते किंवा काहींना काही खाण्याची इच्छा होते. अशावेळी मुलांना पालक बाहेर मिळणारे चविष्ट पण आरोग्यासाठी हानिकारक असलेले पदार्थ खाण्यासाठी देतात. सतत तेलकट तिखट पदार्थ खाल्यामुळे आरोग्य बिघडण्याची शक्यता असते. लहान मुलांना सतत बाहेरचे पदार्थ खाण्याची सवय लागली की ती लवकर कमी होत नाही. त्यामुळे विकतचे पदार्थ खायला देण्यापेक्षा घरी बनवलेले घरगुती पदार्थ खायला द्यावेत. असे पदार्थ जे खाल्ल्याने मुलांचे पोटही भरेल आणि आरोग्याला सुद्धा फायदे होतील. त्यामुळे आज आम्ही तुम्हाला घरच्या घरी सोप्या पद्धतीमध्ये खमंग पौष्टिक फुटाणे कसे बनवावे, याची सोपी रेसिपी सांगणार आहोत. घरी बनवलेले फुटाणे अधिककाळ चांगले टिकून राहतात. चला तर जाणून घेऊया फुटाणे बनवण्याची सोपी रेसिपी.

साहित्य:

• हरभरे
• हळद
• मीठ

हे देखील वाचा: तेलाचा वापर न करता १० मिनिटांमध्ये बनवा हिमोग्लोबिन वाढवणारी बीटरूटची चटणी, वाचा सोपी रेसिपी

कृती:

• फुटाणे बनवण्यासाठी सगळ्यात आधी वाटीभर पाणी घेऊन त्यात मीठ टाकून मिक्स करून घ्या.
• नंतर त्या पाण्यात हळद टाका आणि पुन्हा एकदा मिक्स करा.
• तयार केलेले हळद आणि मिठाचे पाणी हरभाऱ्यांना लावून घ्या. हरभरे ओले होतील अशापद्धतीने हरभाऱ्यांना पाणी लावा.
• 10 ते 15 मिनिटं हरभरे पाण्यात भिजत ठेवा. गॅसवर कढई गरम करण्यासाठी ठेवा.
• कढई गरम झाल्यानंतर त्यात मीठ टाकून मीठ व्यवस्थित गरम करून घ्या.
• हळदीच्या पाण्यात भिजवून ठेवलेले हरभरे मिठामध्ये टाकून सतत मिक्स करत राहा. मिठातील हरभरे सतत हलवत राहा.
• हळूहळू हरभरे भाजण्यास सुरुवात झाल्यानंतर त्याची साल निघण्यास सुरुवात होईल.
• हरभरे व्यवस्थित भाजून झाल्यानंतर गॅस बंद करून घ्या. त्यानंतर मीठ गाळून त्यातील फुटाणे बाहेर काढा.
• तयार आहेत सोप्या पद्धतीमध्ये बनवलेले खमंग फुटाणे.