लहान मुलांच्या डब्यासाठी अशा पद्धतीने बनवा चविष्ट शेंगदाण्याची पोळी, लहान मुलं आवडीने खातील

बदलेल्या जीवनशैलीचा परिणाम हळूहळू लहान मुलांवर सुद्धा दिसू लागला आहे. पिझ्झा, बर्गर इत्यादी फास्ट फूड मुलांना आवडू लागल्यामुळे घरी बनवलेल्या पदार्थाची चव मुलांना आवडतच नाही. अशावेळी मुलांना डब्यात खायला काय द्यावं हा प्रश्न पडतो. त्यामुळेच आज आम्ही तुम्हाला लहान मुलांच्या डब्यासाठी एक सोपी रेसिपी सांगणार आहोत. लहान मुलांच्या डब्यात तुम्ही शेंगदाण्याची पोळी बनवून देऊ शकता.

लहान मुलांना नेहमी नाश्त्यामध्ये आणि डब्यात काय खायला द्यावं हा प्रश्न सर्वच पालकांना पडतो. अनेकदा मुलं सतत बाहेरचे पदार्थ खायला मागता. बदलेल्या जीवनशैलीचा परिणाम हळूहळू लहान मुलांवर सुद्धा दिसू लागला आहे. पिझ्झा, बर्गर इत्यादी फास्ट फूड मुलांना आवडू लागल्यामुळे घरी बनवलेल्या पदार्थाची चव मुलांना आवडतच नाही. अशावेळी मुलांना डब्यात खायला काय द्यावं हा प्रश्न पडतो. त्यामुळेच आज आम्ही तुम्हाला लहान मुलांच्या डब्यासाठी एक सोपी रेसिपी सांगणार आहोत. लहान मुलांच्या डब्यात तुम्ही शेंगदाण्याची पोळी बनवून देऊ शकता. शेंगदाणे खाल्यामुळे शरीरातील रक्ताची कमतरता कमी होऊन आरोग्य सुधारते. चला तर जाणून घेऊया शेंगदाण्याची पोळी बनवण्याची सोपी रेसिपी.(फोटो सौजन्य-istock)

साहित्य:

• गव्हाचं पीठ
• शेंगदाणे
• तूप
• गुळ

हे देखील वाचा: संध्याकाळच्या नाश्त्याला बनवा क्रिस्पी कॉर्न बॉल्स, लहानांपासून मोठ्यांपर्यंत सर्वांना आवडेल रेसिपी

कृती:

• शेंगदाण्याची पोळी बनवण्यासाठी सर्वप्रथम ताटात वाटीभर गव्हाचे पीठ घेऊन त्यात मीठ टाकून मिक्स करून घ्या.
• त्यानंतर आवश्यकतेनुसार पाणी टाकून गव्हाची कणिक मळून घ्या. त्यावर थोडेसे तूप टाकून पुन्हा एकदा मळा.
• शेंगदाण्याचे सारण तयार करण्यासाठी सर्वप्रथम शेंगदाणे भाजून थंड करा. त्यानंतर त्यांची साल काढून मिक्सरमधून वाटून शेंगदाण्याचा कूट बनवा.
• तयार केलेल्या शेंगदाण्याच्या कुटमध्ये गुळाची पावडर किंवा गुल टाकून मिक्स करा.
• गव्हाच्या पिठाचे गोळे करून त्यात शेंगदाण्याचे सारण भरून हळुवार हाताने पोळी लाटून घ्या.
• पोळी लाटून झाल्यानंतर तव्यावर टाकून दोन्ही बाजूने भाजून झाल्यानंतर वरून तूप लावून काढून घ्या.
• अशा पद्धतीने बनवलेली शेंगदाण्याची पोळी लहान मुलांसह मोठयांनासुद्धा खूप आवडेल.