Recipe : रात्रीच्या जेवणाचा बेत बनवा खास, नोट करा सोयाबीन-मशरुम बिर्याणी; चव अशी की कुटुंबातील सर्वच होतील खुश

Soyabin Mushroom Biryani Recipe : रात्रीच्या जेवणाचा बेत खास बनवायचा आहे मग यंदा ट्राय करा मशरुम सोयाबीन बिर्याणी. यासाठी आपण बेसिक साहित्यांचा वापर करणार आहोत पण याची चव मात्र कुटुंबाला नक्कीच खुश करणारी ठरेल.

(फोटो सौजन्य: Pinterest)

Follow Us:

Follow Us:

• बिर्याणी अनेकांच्या आवडीचा पदार्थ आहे.
• आज आपण सोयाबीन मशरुम बिर्याणीची रेसिपी जाणून घेणार आहोत.
• ही रेसिपी कुटुंबासोबत चाखा, त्यांना नक्कीच याची चव खूप आवडेल.

Recipe : उरलेल्या शिळ्या चपात्या फेकू नका, तर त्यापासून लहान मुलांना करा खुश; घरी बनवा टेस्टी आणि चटाकेदार व्हेज फ्रँकी

साहित्य

• ६० ग्रॅम सोया चंक्स
• १५-१८ चिरलेले मशरूम
• ३०० ग्रॅम स्कीवर्स
• २ एअर-फ्राईड कांदे
• चिरलेली कोथिंबीर आणि पुदिना
• १ मोठा चमचा बिर्याणी मसाला
• १ मोठा चमचा कसुरी मेथी
• १ छोटा चमचा लाल तिखट
• चवीनुसार मीठ
• हिरवी मिरची-लसूण पेस्ट
• चवीनुसार लिंबाचा रस
• १ मोठा चमचा गूळ पावडर

• ८५ ग्रॅम बासमती तांदूळ
• १ दालचिनी
• ३-४ काळी मिरी
• १ छोटा चमचा तूप
• चिमूटभर मीठ

• ९०% शिजलेला ब्राऊन बासमती तांदूळ
• ताजा पुदिना
• केशर घातलेले ३०-३५ मिली दूध

कृती

• यासाठी सर्वप्रथम सोयाबीन साधारण १५ मिनिटे पाण्यात भिजत ठेवा.
• दुसरीकडे दोन मध्यम आकाराचे कांदे चिरुन घ्या.
• चिरलेला कांदा तेलात ब्राऊन रंग येईपर्यंत तळा.
• आता एका भांड्यात तळलेला कुरकुरीत कांदा, सोया चंक्स, मशरूम, भाजलेले कांदे, चिरलेली कोथिंबीर आणि
• पुदिन्याची पाने, बिर्याणी मसाला, कसुरी मेथी, लाल तिखट, मीठ, हिरवी मिरची-लसूण पेस्ट, लिंबाचा रस आणि गूळ पावडर एकत्र करुन साहित्य अर्धा तास मॅरिनेट करा.
• दुसऱ्या कढईत बासमती तांदूळ, दालचिनी, काळी मिरी, १ चमचा तूप आणि चिमूटभर मीठ घालून भाताला ९०% शिजवून घ्या आणि बाजूला ठेवा.
• आता पुन्हा एकदा कढईत तेल गरम करा आणि यात मॅरिनेट केलेले मिश्रण घालून १०-१५ मिनिटे मध्यम आचेवर शिजवत ठेवा.
• सोया-मशरूमच्या मिश्रणावर ९०% शिजलेल्या भाताचा थर लावा. त्यावर उरलेले तळलेले कांदे, ताजी पुदिना आणि केशराचे दूध घाला.
• झाकण बंद करुन मंद आचेवर बिर्याणीला छान शिजू द्या. १० ते १५ मिनिटे मंद आचेवर शिजवल्यानंतर तुम्ही गॅस बंद करु शकता.
• लक्षात घ्या, बिर्याणी तयार झाल्यानंतर लगेच झाकण उघडू नका तर साधरण ५ मिनिटांनी झाकण खोलून तयार बिर्याणी खाण्यासाठी सर्व्ह करा.
• रायत्यासोबत किंवा कोशिंबीरसोबत ही बिर्याणी चवीला अप्रतिम लागेल.

Web Title: How to make soyabin mushroom biryani nb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com