सकाळच्या नाश्त्यासाठी बनवा मसालेदार साबुदाणा खिचडी, नेहमीपेक्षा लागेल वेगळी आणि भन्नाट चव

कायमच तुम्ही हिरव्या मिरचीमधील साबुदाणा खिचडी खाल्ली असेल पण आज आम्ही तुम्हाला तिखट मसाल्याचा वापर करून साबुदाणा खिचडी बनवण्याची सोपी रेसिपी सांगणार आहोत.

सकाळच्या नाश्त्यात प्रत्येकालाच काहींना काही टेस्टी आणि चमचमीत खायला हवं असतं. उपवासाच्या दिवशी मिरची आणि शेंगदाण्याचा कूट घालून साबुदाणा खिचडी बनवली जाते. सर्वच घरांमध्ये उपवासाच्या दिवशी साबुदाण्याची खिचडी किंवा साबुदाण्याची खीर बनवली जाते. पण कायमच हिरव्या मिरचीमधील साबुदाणा खिचडी खाऊन कंटाळा आल्यानंतर तुम्ही सोप्या पद्धतीमध्ये तुम्ही लाल मसाल्याचा वापर करून साबुदाणा खिचडी बनवू शकता. हा पदार्थ चवीला अतिशय सुंदर लागतो. याशिवाय साबुदाणा खिचडी बनवण्यासाठी जास्त वेळ लागत नाहीत. कमीत कमी साहित्यात झटपट तुम्ही खिचडी बनवू शकता. खिचडी बनवण्यासाठी आधल्या रात्री साबुदाणे भिजत घालावेत. यामुळे साबुदाणे व्यवस्थित भिजले जातात आणि जास्त चिकट किंवा रबरासारखे होत नाहीत. चला तर जाणून घेऊया मसालेदार साबुदाणे खिचडी बनवण्याची सोपी रेसिपी.(फोटो सौजन्य – istock)

Weekend Special : सुगंधित अन् मसालेदार… अवघ्या 30 मिनिटांतच बनवा मंगलोरीयन स्टाईल ‘चिकन घी रोस्ट’

साहित्य:

• भिजवलेले साबुदाणे
• बटाटा
• लाल तिखट
• मीठ
• शेंगदाण्याचा कूट
• कढीपत्ता
• कोथिंबीर
• जिरं
• तूप

कार्तिकी एकादशीच्या उपवासानिमित्त १० मिनिटांमध्ये बनवा शेंगदाण्याचे चविष्ट लाडू, नोट करून घ्या पारंपरिक रेसिपी

कृती:

• मसालेदार साबुदाणा खिचडी बनवण्यासाठी सर्वप्रथम, साबुदाणे आधल्या रात्री स्वच्छ साफ करून पाण्यात भिजत ठेवा. त्यानंतर सकाळी त्यातील पाणी काढून टाका.
• कढईमध्ये तूप गरम करून त्यात जिरं, कढीपत्ता आणि हिरव्या मिरचीचे तुकडे घालून भाजा. त्यानंतर त्यात बारीक चिरून घेतलेला बटाटा टाकून चवीनुसार मीठ घाला.
• बटाटा व्यवस्थित शिजल्यानंतर त्यात साबुदाणा, शेंगदाण्याचा कूट आणि आवश्यकतेनुसार लाल तिखट घालून व्यवस्थित मिक्स करून घ्या.
• तयार केलेली साबुदाणा खिचडी व्यवस्थित मिक्स करून वरून बारीक चिरलेली कोथिंबीर घाला आणि खाण्यासाठी सर्व्ह करा.
• तयार आहे सोप्या पद्धतीमध्ये बनवलेली मसालेदार साबुदाण्याची खिचडी. हा पदार्थ चवीला अतिशय सुंदर लागतो.