बाप्पाच्या प्रसादासाठी १० मिनिटांमध्ये अशा पद्धतीने बनवा सुंठवडा, चवीला लागेल सुंदर

गणपती बाप्पाचे स्वागत झाल्यानंतर 10 दिवस सगळीकडे वेगळीचे वातावरण असते. घरी बाप्पा येणार म्हणून अनेक अनेक गोड पदार्थ बनवले जातात. बाप्पाच्या नैवेद्यासाठी वेगळे पदार्थ, आरती झाल्यानंतर प्रसादासाठी वेगळे पदार्थ असे अनेक पदार्थ या दिवसांमध्ये घरी बनवले जातात. त्यामुळे यंदा बाप्पाच्या प्रसादासाठी सूंठपासून सुंठवडा नक्की बनवून पहा. तुम्ही बनवलेला सुंठवडा घरातील सगळ्यांना आवडेल.

७ सप्टेंबर ला गणपती बाप्पाचे आगमन होणार आहे. गणपती बाप्पाचे आगमन झाल्यानंतर बाप्पाची मनोभावे पूजा करून गोड पदार्थांचा नैवेद्य दाखवला जातो. गणपती बाप्पाचे स्वागत झाल्यानंतर 10 दिवस सगळीकडे वेगळीचे वातावरण असते. घरी बाप्पा येणार म्हणून अनेक अनेक गोड पदार्थ बनवले जातात. बाप्पाच्या नैवेद्यासाठी वेगळे पदार्थ, आरती झाल्यानंतर प्रसादासाठी वेगळे पदार्थ असे अनेक पदार्थ या दिवसांमध्ये घरी बनवले जातात. बाप्पाच्या सगळ्यात आवडीचा पदार्थ मोदक आहे. पण बाप्पाला मोदकांशिवाय इतरही पदार्थ खायला खूप आवडतात. त्यातील सगळ्यांच्या आवडीचा पदार्थ म्हणजे सुंठवडा. सुंठवडा चवीसाठी आणि आरोग्यासाठी सुद्धा गुणकारी आहे. त्यामुळे आज आम्ही तुम्हाला सोप्या पद्धतीमध्ये घरच्या घरी सुंठवडा कसा बनवायचा याची सोपी रेसिपी सांगणार आहोत. बाप्पाच्या प्रसादासाठी तुम्हीसुद्धा नक्की सुंठवडा बनवून पहा.(फोटो सौजन्य-istock)

साहित्य:

• सुंठ
• काजू
• बदाम
• खारीक
• बडीशेप
• तीळ
• खसखस
• धणे
• वेलची पावडर
• साखर
• सुखं खोबर
• मनुके

हे देखील वाचा: तांदळाचे मोदक बनवता येत नाहीत? मग १ वाटी गव्हाच्या पिठापासून बनवा उकडीचे चविष्ट गोड मोदक

कृती:

• सुंठवडा बनवण्यासाठी सर्वप्रथम सुंठ सगळ्यात आधी खलबत्यामध्ये किंवा मिक्सरमधून जाड बारीक वाटून घ्या.
• गॅसवर पॅन गरम करण्यासाठी ठेवा. पॅन गरम झाल्यानंतर त्यात खारीकचे लहान तुकडे भाजून घ्या.
• नंतर त्यात काजू, बदाम, बडीशेप, तीळ, खसखस, धणे हे सर्व पदार्थ वेगवेगळे भाजून घ्या. भाजून झालेले पदार्थ थंड होण्यासाठी ठेवा.
• मिक्सरच्या भांड्यात भाजून घेतलेले सर्व पदार्थ आणि सुंठ आणि खारीकचे लहान तुकडे मिक्सरमधून बारीक वाटून घ्या.
• पॅनमध्ये पुन्हा एकदा बारीक करून घेतलेले खोबरं भाजून घ्या. हे भाजून पुन्हा एकदा चमच्याने बारीक करा.
• त्यानंतर तयार केलेल्या पावडरमध्ये बारीक केलेलं खोबरं मिक्स करून घ्या.
• सगळ्यात शेवटी त्यात तुमच्या आवडीनुसार मनुके टाकून मिक्स करा.
• तयार आहे सोप्या पद्धतीमध्ये बनवलेला बाप्पाच्या प्रसादासाठी सुंठवडा.