शिल्लक राहिलेल्या भातापासून काही मिनिटांमध्ये बनवा टेस्टी Tomato Rice, नोट करून घ्या रेसिपी

शिल्लक राहिलेल्या भातापासून कायमच फोडणीचा भात बनवला जातो, पण आज आम्ही तुम्हाला सोप्या पद्धतीमध्ये टोमॅटो राईस बनवण्याची सोपी रेसिपी सांगणार आहोत.

सकाळच्या नाश्त्यात कायमच कोणते पदार्थ बनवावे? असा प्रश्न सगळ्यांचं पडतो. नाश्त्यात कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. सकाळच्या वेळी पोटभर नाश्ता केल्यास आरोग्य सुधारते आणि शरीराला अनेक फायदे होतात. संपूर्ण दिवस आनंद आणि उत्साहात घालवण्यासाठी पोटभर नाश्ता करणे गजरेचे आहे. म्हणूनच आज आम्ही तुम्हाला सोप्या पद्धतीमध्ये टोमॅटो राईस बनवण्याची रेसिपी सांगणार आहोत. रात्रीच्या वेळी भात जास्त झाल्यानंतर तो शिल्लक राहतो. पण शिल्लक राहिलेला भात वरण भातासोबत खायला अनेकांना आवडत नाही. पण याच भातापासून अनेक वेगवेगळे पदार्थ बनवू शकता. चला तर जाणून घेऊया टोमॅटो राईस बनवण्याची सोपी रेसिपी.(फोटो सौजन्य – istock)

दुपारच्या जेवणातील वरण भातासोबत तोंडी लावण्यासाठी बनवा कुरकुरीत कारल्याचे काप, नोट करा रेसिपी

साहित्य:

• शिल्लक राहिलेला भात
• टोमॅटो
• लाल तिखट
• मीठ
• हळद
• पुलाव मसाला
• जिरं
• तेल
• कोथिंबीर

सर्दी खोकल्यापासून आराम मिळवण्यासाठी सकाळच्या नाश्त्यासाठी बनवा टोमॅटो सूप, शरीर राहील उबदार

कृती:

• टोमॅटो राईस बनवण्यासाठी सर्वप्रथम, शिल्लक राहिलेल्या भातावर पाणी शिंपडून भात मोकळा करून घ्या.
• कढईमध्ये तेल गरम करून त्यात जिरं आणि बारीक चिरलेला कांदा घालून व्यवस्थित मिक्स करा. नंतर त्यात चवीनुसार मीठ टाकून मिक्स करा.
• कांदा शिजल्यानंतर त्यात टोमॅटो टाकून व्यवस्थित मिक्स करा आणि झाकण मारून शिजण्यासाठी ठेवा.
• सर्व पदार्थ व्यवस्थित शिजल्यानंतर त्यात आलं लसूण हिरव्या मिरचीची पेस्ट टाकून मिक्स करा. नंतर त्यात हळद, गरम मसाला, लाल तिखट आणि पुलाव मसाला टाकून मिक्स करून घ्या.
• सगळ्यात शेवटी वरून भात टाकून मसाल्यांमध्ये मिक्स करून घ्या. वरून बारीक चिरलेली कोथिंबीर टाकून शिजवा.
• तयार आहे सोप्या पद्धतीमध्ये बनवलेला टोमॅटो राईस. हा पदार्थ शेजवान चटणीसोबत अतिशय सुंदर लागेल.