Independence Day 2026 : स्वातंत्र्यदिनाचा गोडवा वाढवा, घरी बनवा ‘तिरंगा बर्फी’, निवडक साहित्यांची लागेल गरज

Tiranga Barfi Recipe : प्रत्येक भारतीय नागरिकासाठी १५ ऑगस्ट हा दिवस एक अभिमानाचा दिवस आहे. याच दिवशी भारत ब्रिटिशां राजवटीपासून मुक्त झाला आणि देशाला स्वातंत्र्य मिळाले. हा दिवस आणखी खास बनवण्यासा

(फोटो सौजन्य: Pinterest)

Follow Us:

Follow Us:

• १५ ऑगस्ट हा दिवस भारताचा स्वातंत्र्यदिन म्हणून साजरा केला जातो.
• या दिवशी नागरिक अनेक वेगवेगळ्या प्रकारे स्वातंत्र्याचा दिवस साजरा करतात.
• तुम्हीही हा खास दिवस एका हटक्या रेसिपीने साजरा करु शकता.

श्रावण महिन्यातील सणांसाठी परफेक्ट गोड पदार्थ! १० मिनिटांमध्ये झटपट बनवा ओल्या खोबऱ्याची दाटसर खीर, नोट करा रेसिपी

हिरवा, पांढरा आणि केशरी अशा तीन रंगांच्या थरांमुळे ही बर्फी दिसायला अतिशय सुंदर आणि सणासुदीला खास शोभून दिसते. विशेष म्हणजे ही मिठाई तयार करण्यासाठी फारशी गुंतागुंतीची प्रक्रिया नाही. घरातील उपलब्ध साहित्य वापरून सहजपणे तिरंगा बर्फी तयार करता येते. स्वातंत्र्यदिनाच्या सेलिब्रेशनसाठी ही रेसिपी एक चांगला पर्याय ठरेल.

साहित्य

• मिल्क पावडर – २ कप
• कंडेन्स्ड मिल्क – १ कप
• तूप – २ मोठे चमचे
• दूध – ४ ते ५ मोठे चमचे
• वेलची पूड – अर्धा चमचा
• केशरी रंग – चिमूटभर
• हिरवा रंग – चिमूटभर
• बारीक चिरलेले काजू-बदाम – २ मोठे चमचे
• पिस्त्याचे काप – सजावटीसाठी
• तिरंग्याच्या मधल्या थरासाठी नारळाचा किस किंवा साधा पांढरा बर्फीचा मिश्रण

कृती

• कढईमध्ये तूप गरम करून त्यात मिल्क पावडर आणि कंडेन्स्ड मिल्क घाला. त्यामध्ये थोडे दूध घालून मिश्रण व्यवस्थित एकजीव करा. मंद आचेवर सतत ढवळत राहा, जेणेकरून मिश्रणाला कढईच्या तळाशी लागणार नाही.
• मिश्रणाला बर्फीसारखी घट्ट पोत येईपर्यंत मंद आचेवर शिजवा. मिश्रण कढईच्या कडांपासून सुटू लागले की गॅस बंद करा. त्यात वेलची पूड घालून चांगले मिसळा.
• तयार मिश्रणाचे तीन समान भाग करा. एका भागामध्ये केशरी रंग आणि दुसऱ्या भागामध्ये हिरवा रंग मिसळा.
• तिसरा भाग पांढराच ठेवा. रंग मिसळताना प्रमाण कमी ठेवा, त्यामुळे बर्फीचा रंग सौम्य आणि आकर्षक दिसेल.
• एका ताटाला किंवा चौकोनी ट्रेला तुपाचा हलका हात लावा. सर्वप्रथम केशरी रंगाचे मिश्रण त्यामध्ये पसरवा. चमच्याच्या मागील बाजूने किंवा तुपाने ग्रीस केलेल्या वाटीने थर समान जाडीचा करा.
• केशरी थरावर पांढरे मिश्रण अलगद पसरवा. ते दाबताना जास्त जोर लावू नका. संपूर्ण थर एकसमान पसरल्यानंतर त्यावर बारीक काजू-बदाम किंवा पिस्त्याचे काप हलकेच पसरवू शकता.
• सर्वात शेवटी हिरव्या रंगाचे मिश्रण पांढऱ्या थरावर पसरवा. वरचा भाग चमच्याने हलका दाबून सपाट करा. तयार बर्फी काही वेळ खोलीच्या तापमानाला थंड होऊ द्या आणि नंतर सेट होण्यासाठी फ्रिजमध्ये ठेवा.
• बर्फी व्यवस्थित सेट झाल्यानंतर ट्रेमधून बाहेर काढा आणि चौकोनी किंवा आयताकृती तुकडे कापा. वरून
• पिस्त्याचे काप लावून सजवा. अशा प्रकारे आकर्षक तिरंगा बर्फी सर्व्ह करण्यासाठी तयार होईल.
• बर्फीचे मिश्रण शिजवताना गॅसची फ्लेम नेहमी मंद ठेवा. मिश्रण जास्त शिजवल्यास बर्फी कडक होऊ शकते.
• तीनही रंगांचे थर समान जाडीचे ठेवल्यास बर्फी अधिक सुंदर दिसते.
• रंग वापरताना फूड-ग्रेड रंग अगदी कमी प्रमाणात वापरणे योग्य ठरेल.
• बर्फी पूर्णपणे थंड आणि सेट झाल्यानंतरच तुकडे केल्यास त्याचा आकार व्यवस्थित राहतो.

Web Title: Independence day 2026 tiranga barfi recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com