भाऊबीजेनिमित्त लाडक्या भावासाठी १० मिनिटांमध्ये झटपट बनवा रबडी मलाई टोस्ट, जिभेवर कायमच राहील चव

भाऊबीजेनिमित्त तुम्ही लाकड्या भावासाठी सोप्या पद्धतीमध्ये रबडी मलाई टोस्ट बनवू शकता. हा पदार्थ कमीत कमी साहित्यामध्ये झटपट तयार होतो. जाणून घ्या रबडी मलाई टोस्ट बनवण्याची सोपी रेसिपी.

दिवाळी सणाला अवघे काही दिवस शिल्लक राहिले आहे. या सणाला सगळीकडे गोड मिठाई, फराळ इत्यादी अनेक गोष्टी बनवल्या जातात. घरात गोडाचे पदार्थ बनवताना प्रामुख्याने शेवयांची खीर, तांदळाची खीर, गुलाबजाम इत्यादी ठराविक पदार्थ बनवले जातात.भाऊबीजेच्या दिवशी लाडक्या भावासाठी अनेक वेगवगळे पदार्थ बनवले जातात. अशावेळी तुम्ही सोप्या पद्धतीमध्ये रबडी मलाई टोस्ट बनवण्याची सोपी रेसिपी सांगणार आहोत. हा पदार्थ १० मिनिटांमध्ये लगेच तयार होतो. हा पदार्थ अतिशय कमीत कमी साहित्यामध्ये लगेच तयार होतो. लहान मुलांपासून अगदी मोठ्यांपर्यंत सगळ्यांचं गोड पदार्थ खायला खूप जास्त आवडतात. उत्सवाच्या दिवसांमध्ये बाजारातील मिठाईच्या पदार्थांमध्ये मोठ्या प्रमाणावर भेसळ केली जाते. भेसळ युक्त पदार्थ खाण्यापेक्षा घरी बनवलेल्या पदार्थांचे सेवन करावे. जाणून घेऊया रबडी मलाई टोस्ट बनवण्याची सोपी रेसिपी.(फोटो सौजन्य: Pinterest)

सोड्याचा वापर न करता दिवाळीनिमित्त घरी बनवा कुरकुरीत आलू भुजिया शेव, फराळ होईल आणखीनच चविष्ट

साहित्य:

• ब्रेड
• साखर
• क्रीम
• वेलची पावडर
• दूध
• सुका मेवा
• केशर

दिवाळीनिमित्त फराळातील पदार्थ बनवताना साखरेऐवजी करा ‘या’ पदार्थाचा वापर, सोप्या पद्धतीमध्ये घरी बनवा लाडू

कृती:

• रबडी मलाई टोस्ट बनवण्यासाठी सर्वप्रथम, भांड्यात क्रीम, साखर, वेलची पावडर आणि दूध एकत्र मिक्स करून पेस्ट तयार करा. पेस्ट तयार केल्यानंतर काहीवेळा फ्रिजमध्ये थंड होण्यासाठी ठेवा.
• ब्रेडच्या कडा कापून घ्या. तवा गरम करून त्यावर ब्रेडचे तुकडे कुरकुरीत भाजून घ्या. यामुळे पदार्थाची चव सुंदर लागेल.
• भाजून घेतलेल्या ब्रेड स्लाइसवर तयार केलेली मलाई लावून पसरवून घ्या. त्यानंतर वरून त्यावर सुका मेवा आणि केशर घागे टाकून सजवून घ्या.
• तयार आहे सोप्या पद्धतीमध्ये बनवलेले रबडी मलाई टोस्ट. हा पदार्थ घरातील प्रत्येकाला नक्कीच आवडेल.