करण जोहर का पडलाय फिका? कोणत्या आजाराने ग्रस्त स्वतः केला खुलासा; काय आहे उपाय

प्रसिद्ध चित्रपट निर्माता दिग्दर्शक करण जोहर त्याच्या शरीराबाबत खूप संवेदनशील आहे. त्याला शरीराच्या खराब स्थितीशी संबंधित एक आजार झाला आहे, हा आजार नेमका काय आहे? त्याबद्दल सविस्तर जाणून घ्या.

जर तुम्ही करण जोहरचा अलीकडील व्हिडिओ पाहिला असेल, तर तुम्ही नक्कीच पाहिले असेल की करण जोहरचे शरीर कसे निस्तेज झाले आहे. कुणाच्याही शरीरावर भाष्य करू नये हे खरं असलं तरीही आपल्याला असलेल्या आजाराबाबत करणने स्वतः खुलासा केला आहे. करण जोहरने स्वतः म्हटले आहे की तो बॉडी डिसमॉर्फिया नावाच्या आजाराने ग्रस्त आहे. हा एक मानसिक आजार आहे ज्यामध्ये व्यक्ती आपल्या शरीराबद्दल खूप वाईट विचार करते आणि त्याबद्दल दोषी वाटते. 

या आजारात, रुग्णाचे लक्ष बहुतेकदा त्याच्या शरीरावर केंद्रित राहते आणि त्याला असे वाटते की त्याचे शरीर खूप वाईट आहे. बॉडी डिसमॉर्फिक डिसऑर्डर हा सहसा किशोरवयीन मुलांमध्ये होतो परंतु तो कोणत्याही वयात होऊ शकतो असेही त्याने यावेळी सांगितले

करण जोहर काय म्हणाला?

करण जोहरचा एक व्हिडिओ व्हायरल होत असून त्यामध्ये करण जोहर म्हणाला, ‘मला बॉडी डिसमॉर्फिया आहे. जेव्हा मी पूलमध्ये जातो तेव्हा खूप विचित्र वाटते. कितीतरी वेळा चुकीचा विचार न करता मी पूलमध्ये जायचा प्रयत्न केलाय आणि मी या विचारातून बाहेर पडण्याचा खूप प्रयत्न केला आहे. मी माझ्या मनाला ते खूप समजावून सांगण्याचा प्रयत्न केला पण मी त्यावर मात करू शकत नाही. अर्थात माझेही वजन कमी झाले आहे पण ते लोकांना दाखवताना मला खूप त्रास होतो. म्हणूनच मी माझे शरीर कोणालाही दाखवू इच्छित नाही. म्हणूनच मी माझ्या आकारापेक्षा खूप मोठे कपडे घालतो. माझे शरीर बरोबर आहे हे मी स्वतःला पटवून देऊ शकत नाही.’

पित्त आणि पित्ताशयामध्ये नेमका फरक काय? एकच असण्याचा गैरसमज करा दूर

बॉडी डिसमॉर्फियाची लक्षणे

ब्रिटिश आरोग्य सेवा NHS नुसार, जर एखाद्याला बॉडी डिसमॉर्फिया असेल तर तो नेहमीच त्याच्या शरीराच्या एका विशिष्ट भागाबद्दल चिंतित असतो. बहुतेक वेळा तो त्याच्या शरीराची तुलना दुसऱ्यांशी करत राहतो. तो दिवसातून अनेक वेळा आरशात स्वतःला पाहत राहतो. तो शेकडो वेळा केस विंचरतो, शेकडो वेळा चेहरा स्वच्छ करतो, अनेक वेळा मेकअप करतो आणि अनेक वेळा कपडे बदलतो. त्वचेवर विविध कारणांसाठी याचा वापर केला जातो. ही एक अतिशय गंभीर समस्या आहे. यामध्ये, त्याला इतर काय म्हणतात ते समजत नाही आणि तो मनात विचार करू लागतो की त्याच्या शरीरात एक मोठी समस्या आहे.

त्यावर कसा उपचार केला जातो?

सर्वप्रथम, जर एखाद्याला अशा गोष्टी वाटत असतील तर त्याने डॉक्टरकडे जावे. यासाठी खूप चांगला उपचार आहे. यामध्ये, थेरपी दिली जाते, तिला कॉग्निटिव्ह बिहेवियर थेरपी (CBT) म्हणतात. यामध्ये डॉक्टर रुग्णाला समजावून सांगतात. यासाठी, काही अँटीडिप्रेसंट औषधे देखील आहेत जी डॉक्टर रुग्णाची लक्षणे पाहून देतात. या आजारात रुग्णाची विचारसरणी बदलण्याचा प्रयत्न केला जातो.

दही खाण्यामुळे आतड्यांच्या कर्करोगाचा धोका कमी होऊ शकतो? वैज्ञानिकांनी 1.5 लाख लोकांवर झाला रिसर्च, Result Positive