सकाळच्या वेळी वर्कआऊट करताना ‘या’ गोष्टींची घ्या काळजी, आरोग्याला होतील प्रभावी फायदे

वर्कआऊट करताना या गोष्टींची काळजी घ्या:

बॉडी मसाज करणे:

व्यायाम किंवा योगासने करून बॉडी दुखू लागल्यास बॉडी मसाज करून घ्यावा. यामुळे शरीराला होणाऱ्या वेदनांपासून आराम मिळण्यास मदत होईल. व्यायाम केल्यामुळे काहीवेळा अंग दुखू लागते. अशावेळी तुम्हाला बॉडी मसाज करू शकता. यामुळे शरीराचे स्नायू हलके होतील आणि शरीराला आराम मिळेल. नियमित मसाज केल्यास शारीरिक वेदना कमी होऊन मानसिक तणाव कमी होईल.

स्ट्रेचिंग करणे:

सकाळी उठल्यानंतर व्यायाम करण्याआधी स्ट्रेचिंग करणे आवश्यक आहे. यामुळे स्नायू व्यायामासाठी तयार होतात आणि व्यायाम करताना कोणतीही दुखापत होत नाही. स्ट्रेचिंग एक्सरसाइजमध्ये हॅमस्ट्रिंग स्ट्रेच, साइड स्ट्रेच, बटरफ्लाय पोज इत्यादी प्रकार करू शकता. यामुळे व्यायाम करताना जास्त वेदना होणार नाहीत. स्ट्रेचिंग केल्यामुळे शरीराचा रक्तप्रवाह सुरळीत होण्यास मदत होते.

शरीर हायड्रेट ठेवणे:

शरीर हायड्रेट असणे आवश्यक आहे. शरीराला आवश्यक असलेल्या प्रमाणात पाण्याचे सेवन करावे. व्यायाम करताना घामाच्या स्वरूपात शरीरातील पाणी निघून जाते. त्यामुळे शरीराला पाण्याची आवश्यकता असते. शरीरातील पाणी निघून गेल्यामुळे र शरीर अशक्त होऊन जाते. त्यामुळे व्यायाम करताना पाणी प्यावे, जेणेकरून अशक्तपणा किंवा थकवा जाणवणार नाही.

हे देखील वाचा: 5 High Fiber Foods जे करतील बद्धकोष्ठता, कॅन्सर-डायबिटीसला गायब, पचनक्रियाही होईल तगडी

पौष्टिक आहार घेणे:

सकाळी उठल्यानंतर सगळ्यात आधी पोटभर नाश्ता करणे आवश्यक आहे. नाश्ता केल्यामुळे दुपारच्या जेवणापर्यंत पोट भरलेले राहते आणि शरीराला अनेक फायदे होतात. सकाळी पोटभर नाश्ता केल्यामुळे दिवसभर शरीरात उत्साह आणि ऊर्जा कायम टिकून राहते. त्यामुळे नाश्ता करावा. नाश्त्यामध्ये कार्बोहायड्रेट, पीनट बटर, केळी, उकडलेले अंडी आणि प्रोटीन बार इत्यादी पौष्टिक पदार्थांचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या