Khloe Kardashian ने केली Rhinoplasty शस्त्रक्रिया!
सुंदर दिसण्यासाठी महिलांसह पुरुष देखील सतत काहींना काही ट्रीटमेंट करून घेतात. बाजारात अनेक वेगवेगळ्या ट्रीटमेंट उपलब्ध आहेत. अमेरिकेतील प्रसिद्ध टीव्ही स्टार, सोशल मीडिया व्यक्तिमत्व आणि किम कार्दशियनची बहीण ख्लो कार्दशियनने नुकतीच नाकाची शस्त्रक्रिया केली आहे. तिने सोशल मीडियावर पोस्ट शेअर करत माहिती दिली आहे. तिने चेहऱ्यावर केलेल्या शस्त्रक्रियेची उघडपणे माहिती दिली आहे. तिने सर्जिकल आणि नॉन-सर्जिकल प्रक्रियांबद्दल सगळ्यांना माहिती दिली आहे. सुंदर दिसण्यासाठी केल्या जाणाऱ्या ट्रीटमेंट संपूर्ण त्वचेचे रूपच बदलून टाकतात. ख्लोईने केलेल्या शस्त्रक्रियेला राइनोप्लास्टी असे म्हणतात. ही एक नाकाची शस्त्रक्रिया आहे. अनेक लोक नाकाची बिघडलेली रचना सुधारण्यासाठी राइनोप्लास्टी करून घेतात. प्रामुख्याने ही शस्त्रक्रिया अनेक लोक कॉस्मेटिक सर्जरी म्हणून सुद्धा करतात. म्हणूनच आज आम्ही तुम्हाला राइनोप्लास्टी म्हणजे काय? यामुळे नेमके काय फायदे होतात, याबाद; सविस्तर माहिती सांगणार आहोत.(फोटो सौजन्य – pinterest)
राइनोप्लास्टी सर्जरी म्हणजे एक प्रकारची प्लास्टिक सर्जरीच आहे. यामध्ये नाकाचा आकार आणि रचना बदलली जाते. आत्तापर्यंत अनेक अभिनेत्री आणि कलाकारांनी नाकाची सर्जरी करून घेतली आहे. तर अनेक लोक श्वासोच्छवासाच्या समस्यांपासून आराम मिळवण्यासाठी राइनोप्लास्टी सर्जरी करून घेतात. राइनोप्लास्टी ही नाकाची सर्जरी आहे. यामुळे नाकाची रचना सुधारते.
राइनोप्लास्टीसाठी योग्य कोण आहे?
ज्या व्यक्तींना त्यांच्या नाकाच्या आकारामुळे आत्मविश्वास कमी झाला आहे किंवा श्वास घेण्यास त्रास होतो, त्यांच्यासाठी राइनोप्लास्टी एक चांगला पर्याय असू शकतो.तुमच्यासाठी राइनोप्लास्टी योग्य आहे की नाही, हे ठरवण्यासाठी तुमच्या डॉक्टरांशी बोला.
शस्त्रक्रियेदरम्यान काय होते?
राइनोप्लास्टी सामान्यतः स्थानिक किंवा पूर्ण भूल देऊन केली जाते.शस्त्रक्रियेदरम्यान, डॉक्टर नाकाचे हाड किंवा कूर्चा (cartilage) आवश्यकतेनुसार बदलतात.काहीवेळा, त्वचेमध्येही बदल केले जातात.
राइनोप्लास्टीची किंमत किती आहे?
राइनोप्लास्टीची किंमत शस्त्रक्रियेच्या प्रकार, डॉक्टरची फी आणि इतर घटकांवर अवलंबून असते.तुम्ही तुमच्या डॉक्टरांशी बोलून खर्चाबद्दल माहिती मिळवू शकता.
.png "Videos"){kind=small}
