मुलाला लहानपणापासूनच स्मार्ट आणि इंटेलिजंट बनवायचंय? मग डाएटमध्ये सामील करा हे ३ सुपरफूड, ब्रेन डेव्हलपमेंटमध्ये करतील मदत

मुलांची शारीरिक वाढ आणि मेंदूचा विकास चांगला व्हावा यासाठी योग्य आहार महत्त्वाचा असतो. बालरोगतज्ज्ञांनी मुलांच्या आहारात काही पौष्टिक पदार्थांचा समावेश करण्याचा सल्ला दिला आहे.

• मुलांच्या सुरुवातीच्या काळात आहाराची भूमिका अत्यंत महत्त्वाची असते.
• काही पोषक घटक मेंदूचा विकास आणि स्मरणशक्तीसाठी उपयुक्त ठरू शकतात.
• बालरोगतज्ज्ञांनी मुलांच्या आहारात तीन खास पदार्थांचा समावेश करण्याचा सल्ला दिला आहे.

आपल्या मुलाने सर्वात जास्त हुशार असाव आणि त्याची ओव्हरऑल हेल्थ चांगली असावी अशी इच्छा तर प्रत्येक आई-वडिलांची असते. आजकाल मुलांच्या योग्य वाढीसाठी पालक लहानपणापासूनच अनेक हेल्दी पदार्थ मुलांना खाऊ घालतात. आहारात पोषकतत्वाांचा अभाव असेल तर मुलांच्या वाढीवर याचा परिणाम होऊ शकतो. पीडियाट्रिशियन डाॅक्टरांनी सहा वर्षांपासून मुलांच्या आहारात कोणकोणत्या पदार्थांचा समावेश करायला हवा याविषयीची माहिती शेअर केली आहे. मुलांच्या आहाराविषयी तुम्हालाही प्रश्न असतील आणि त्यांना नक्की काय खायला द्याव याविषयी तुमच्या मनात संभ्रम असेल तर ही बातमी तुमच्या कामाची ठरणार आहे.

सावधान! डायबिटीज आणि वजन कमी करण्याच्या औषधांमुळे होऊ शकते केसगळती? रिसर्चमध्ये मोठा खुलासा

ब्रेन डेवलपमेंटसाठी आहारात ३ सूपरफूड्सचा समावेश करा

पीडियाट्रिशियन डाॅक्टरांनी सांगितले की, सुरुवातीच्या काळातील १००० दिवसांमध्ये मेंदूची वाढ फार वेगाने होत असते. यामुळे याकाळात तुम्ही मुलांना जे काही खायला द्याल त्याचा ब्रेन सेल्सवर मोठा परिणाम होत असतो. याचा मुलांची मेमरी, लर्निंग आणि डेव्हलपमेंटमध्ये सुधार आणण्यास मदत होते. तुम्हालाही जर सुरुवातीच्या काळापासून मुलांमध्ये डेवलपमेंट झालेली पाहायची असेल तर तीन खास रेसिपीज तुम्ही त्यांना नक्की खाऊ घालायला हव्यात.

अक्रोडची प्यूरी

या लिस्टमध्ये सर्वात पहिली रेसिपी आहे ती म्हणजे अक्रोडची प्यूरी. अक्रोड हे वनस्पतीजन्य ओमेगा-३ फॅट्स आणि अँटिऑक्सिडंट्सचा चांगला स्रोत आहेत. यासाठी अक्रोड्सना हलकं भाजून याची एक पावडर तयार करा. यानंतर तयार पावडर दूध, दही, दलिया किंवा फ्रूट प्यूरीमध्ये मिक्स करुन मुलांना खाऊ घाला.

अंड देखील आहे चांगला पर्याय

पीडियाट्रिशियननुसार अंड्याचे सेवन देखील मुलांच्या मेंदूच्या विकासासाठी मदतनीस ठरु शकते. अंड्यात भरपूर प्रमाणात कोलीन असते जे मुलांमध्ये ब्रेन डेवलपमेंट आणि स्मरणशक्ती सुधारण्यासाठी महत्त्वाचे काम करते. मुलांना पूर्णपणे शिजवलेलं आणि मॅश केलेलं अंड खायला घाला.

चेहऱ्यावरील तेज नाहीसे झाले आहे? चेहरा स्वच्छ करण्यासाठी करा ‘या’ पदार्थांचा वापर, टॅनिंग होईल नष्ट

राजगिरा खाऊ घाला

यातील शेवटचा पर्याय म्हणजे राजगिरा. यात प्रोटीन, आर्यन आणि मॅग्नेशियमचे चांगले प्रमाण आढळते. हे मुलांच्या वाढीस आणि ओवरऑल डेवलपमेंटमध्ये चांगली मदत करतात. राजगिऱ्याला चांगल्या प्रकारे नरम होईपर्यंत शिजवा आणि मॅश केलेल्या भाज्यांसोबत मिक्स करुन ते मुलांना खाऊ घाला. चव आणि पोषण ॲड करण्यासाठी तुम्ही यात सफरचंदाची प्यूरी देखील मिक्स करु शकता.