मासेप्रेमींसाठी खास! सुगंधित आणि लज्जतदार चवीने भरलेली डिश; जाणून घ्या रेस्टॉरंट स्टाईल ‘बटर गार्लिक प्रॉन्स’ रेसिपी

ही डिश बनवायला जास्त वेळ लागत नाही आणि खास करून संध्याकाळच्या स्टार्टरसाठी किंवा डिनरसोबत साइड डिश म्हणून सर्व्ह करता येते. बटर गार्लिक प्रॉन्स खायला सोपे, हलके आणि चविष्ट लागतात. थोडंसं लिंबू पिळलं की अजूनच झणझणीत चव येते. पार्टी, गेट-टुगेदर किंवा कुटुंबियांसाठी खास जेवण बनवताना ही रेसिपी नक्की करून बघा. चला जाणून घेऊया यासाठी लागणारे साहित्य आणि कृती.

साहित्य :

• मोठे प्रॉन्स – २५० ग्रॅम (साफ करून धुऊन घ्या)
• बटर – ३ टेबलस्पून
• लसूण – १०-१२ पाकळ्या (बारीक चिरून)
• हिरवी मिरची – २ (लांब चिरून)
• काळी मिरी पूड – १ टीस्पून
• लिंबाचा रस – १ टेबलस्पून
• कोथिंबीर – १ टेबलस्पून (बारीक चिरलेली)
• मीठ – चवीनुसार

कृती :

• यासाठी सर्वप्रथम सर्वात आधी प्रॉन्स स्वच्छ करून मीठ व थोडासा लिंबाचा रस लावून १० मिनिटं मॅरिनेट करून ठेवा.
• कढईत बटर गरम करून त्यात बारीक चिरलेला लसूण आणि हिरवी मिरची टाका.
• लसूण सोनेरी होऊ लागला की त्यात मॅरिनेट केलेले प्रॉन्स टाका.
• प्रॉन्स मध्यम आचेवर ५-६ मिनिटे परतून घ्या. (जास्त शिजवू नका, नाहीतर प्रॉन्स रबरासारखे होतात.)
• आता त्यात काळी मिरी पूड आणि मीठ टाका.
• गॅस बंद करण्याआधी लिंबाचा रस आणि वरून कोथिंबीर शिंपडा.
• गरमागरम बटर गार्लिक प्रॉन्स प्लेटमध्ये काढा आणि सर्व्ह करा.
• ही डिश गरमागरम ब्रेड, गार्लिक नान, किंवा अगदी राइससोबत पण अप्रतिम लागते.

संबंधित बातम्या