साधा, सोपा अन् पारंपरिक… घरी बनवा आगरी कोळी स्टाईल नारळी भात! गणेशाच्या नैवेद्यात एकदा नक्की ट्राय करा ही रेसिपी

Coconut Rice Recipe : आगरी कोळी समाजात नारळी भाताला विशेष महत्त्व आहे. याची साधी पण सुगंधित चव या पदार्थाला आणखीन खास बनवते. चला जाणून घेऊया याची एक सोपी रेसिपी.

भात हा एक असा पदार्थ आहे जो कसाही बनवला तरी चवीला चविष्टच लागतो. समुद्रकिनारी राहणाऱ्या आगरी-कोळी समाजाच्या जेवणात मासे, तांदूळ आणि नारळ हे त्रिसूत्री घटक कायमचे दिसतात. समुद्राच्या लाटांसारखे मनमोकळे जीवन जगणारे हे लोक साधे, झटपट पण चविष्ट पदार्थ बनवतात. त्यात नारळी भाताला एक विशेष मान मिळतो. नारळी भात चवीला साधा पण चविष्ट असा लागतो. बाप्पाचे आगमन झाले आहे अशात गणपतीच्या नैवेद्यात तुम्ही नारळी भाताचा समावेश करू शकता.

गणेश उत्सवात बाप्पाच्या प्रसादासाठी झटपट बनवा बेसन हलवा, झटपट तयार होईल पदार्थ

सण-उत्सव, श्रावण-भाद्रपदातील नारळी पौर्णिमा किंवा खास पाहुण्यांच्या आदरातिथ्यासाठी हा भात बनवला जातो. साध्या तांदळात किसलेला गोडसर नारळ, साजूक तूप, सुगंधी मसाले हे सर्व मिळून नारळी भात अप्रतिम लागतो. गोडसर आणि मसालेदार अशी आगरी-कोळी पद्धती ही खासियत आहे. हा भात चवदार असून पोटभरीचा आहे. सणासुदीच्या वातावरणात कुटुंबीय एकत्र बसून गरमागरम नारळी भाताचा आस्वाद घेण्यात वेगळेच सुख आहे. चला तर मग जाणून घेऊया यासाठी लागणारे साहित्य आणि कृती.

साहित्य :

• २ कप तांदूळ
• १ कप ताजा नारळ किस
• ३ टेबलस्पून साजूक तूप
• ४–५ लवंगा
• १ छोटा दालचिनी तुकडा
• १ तमालपत्र
• ८–१० काजू (तुपात परतलेले)
• मीठ – चिमूटभर
• ४ कप पाणी

रात्रीच्या जेवणाला बनवा गरमा गरम आणि पोटभरणीचा मसालेदार ‘सोया पुलाव’; वरून घाला तुपाची धार अन् रंगतदार करा मेजवानी

कृती :

• यासाठी सर्वप्रथम तांदूळ स्वच्छ धुऊन २० मिनिटे पाण्यात भिजत ठेवा.
• एका भांड्यात साजूक तूप गरम करून त्यात तमालपत्र, लवंग, दालचिनी घालून फोडणी द्या.
• आता त्यात नारळाचा किस हलक्या आचेवर काही मिनिटे परतून घ्या.
• आता यात भिजवलेला तांदूळ आणि चवीनुसार मीठ टाकून सर्व साहित्य नीट एकत्रित करा.
• आता शिजलेला तांदूळ आणि नारळ-गुळाचे मिश्रण हलक्या हाताने मिसळा आणि यात ४ कप पाणी घाला.
• शेवटी यावर झाकण ठेवून मंद आचेवर १५ मिनिटे भात छान शिजवून घ्या.
• भातावर तुपात परतलेले काजू-मनुका घाला आणि तयार भात एक प्लेटमध्ये खाण्यासाठी सर्व्ह करा.

FAQs (संबंधित प्रश्न)

नारळी भात म्हणजे काय?
नारळी भात हा ताज खोबरं आणि तांदूळ वापरून बनवलेला एक भाताचा पदार्थ आहे, हा चवीला साधा पण चविष्ट असा लागतो.

नारळी भात कोणत्या सणांना बनवतात?
हा भात विशेषतः नारळी पौर्णिमा किंवा श्रावण पौर्णिमा या सणांच्या वेळी बनवला जातो.