Chicken Roast Recipe : फराह खान स्टाईल चिकन रोस्ट रेसिपी, विकेंडसाठीचा परफेक्ट पर्याय

Chicken Recipe : फराह खानची चिकन रोस्ट रेसिपी सध्या सोशल मीडियावर खूप जास्त ट्रेंड होत आहे. विकेंड स्पेशल घरी चिकनचा बेत असेल तर ही रेसिपी जरूर ट्राय करून पहा.

• विकेंड स्पेशल अनेकांच्या घरी चिकन तयार केला जातो
• फराह खानची चिकन रोस्ट रेसिपी इंटरनेटवर फार ट्रेंड होत आहे
• ही फार सोपी आणि कमी साहित्यात तयार होते

आजकाल सेलिब्रिटी शेफ्स आणि सेलिब्रिटींच्या खास रेसिपीज लोकांमध्ये खूप लोकप्रिय होत आहेत. बॉलिवूडची प्रसिद्ध कोरिओग्राफर आणि दिग्दर्शिका फराह खान हिला स्वयंपाकाचीही खास आवड आहे. तिच्या व्हिडिओंमधून ती अनेक सोप्या पण चवदार रेसिपीज शेअर करत असते. फराह खान स्पेशल चिकन रोस्ट ही अशीच एक झटपट, मसालेदार आणि रसाळ रेसिपी आहे, जी घरच्या घरी अगदी रेस्टॉरंटसारखी चव देते. कमी साहित्य, सोपी पद्धत आणि अप्रतिम टेस्ट यामुळे ही रेसिपी पार्टी, संडे स्पेशल किंवा डिनरसाठी एकदम परफेक्ट ठरते.

सकाळच्या नाश्त्याला बनवा खमंग आणि खुसखुशीत दुधीभोपळ्याचा चिला; रेसिपी नोट करा

या रेसिपीची खास गोष्ट म्हणजे यात फार साहित्यांचा वापर केला जात नाही. निवडक साहित्यातूनच याला एक स्वादिष्ट चव मिळते. मागील काही काळापासून अनेकांनी ही रेसिपी आपल्या घरी बनवून पाहिली आहे अशात तुम्ही अजून ही रेसिपी बनवली नसेल तर आजच घरी ही रेसिपी ट्राय करून पहा. चला तर मग जाणून घेऊया फराह खान स्टाइल चिकन रोस्ट कसा बनवायचा. नोट करून घ्या यासाठी लागणारे साहित्य आणि कृती.

साहित्य 

• १ संपूर्ण चिकन
• ३ मोठे चमचे ऑलिव्ह तेल
• २ चमचे चिली फ्लेक्स
• १ चमचा काळी मिरी पावडर
• २ ते ३ मोठे चमचे मस्टर्ड सॉस
• १ चमचा मीठ
• २ मोठे चमचे लिंबाचा रस
• १ ग्लास पाणी

Recipe : थंडीत गोडाचा नवा ट्रेंड! हलवा सोडा, यंदाच्या हिवाळ्यात घरी बनवा ‘गाजराचे गुलाबजाम’

कृती 

• यासाठी सर्वप्रथम एका भांड्यात ऑलिव तेल, चिली फ्लेक्स, काळी मिरी पावडर, मस्टर्ड सॉस, मीठ आणि लिंबाचा रस एकत्र करून चांगले मिसळा.
•  हे मिश्रण संपूर्ण चिकनला आतून आणि बाहेरून चांगले चोळून घ्या.
• आता एका जाड बुडाच्या भांड्यात मॅरीनेट केलेले चिकन ठेवा आणि त्यात १ ग्लास पाणी घाला.
• सुरुवातीला ३० मिनिटे मंद आचेवर चिकनला शिजवत ठेवा.
•  ३० मिनिटांनंतर चिकन पलटा आणि पाणी आटेपर्यंत किंवा चिकन पूर्णपणे शिजून सोनेरी होईपर्यंत शिजवा.
• हे चिकन तुम्ही ओव्हनमध्ये रोस्ट करू शकता किंवा गॅसवर झाकण ठेवूनही शिजवू शकता.