पारंपरिक, पौष्टिक आणि पचायला हलका असा ‘शेवयांचा उपमा’, सकाळच्या नाश्त्यासाठी एक परफेक्ट पर्याय

Shevyancha Upma Recipe : शेवयांचा उपमा हा चविष्ट, पौष्टिक आणि पटकन तयार होणारा नाश्ता आहे. गरमागरम सर्व्ह केल्यास त्याची चव दुपटीने वाढते आणि दिवसाची सुरुवातही ऊर्जा आणि स्वादाने होते!

“भारतीय नाश्त्यांमध्ये उपमा हा एक पारंपरिक, पौष्टिक आणि हलका पदार्थ मानला जातो. साधारणपणे रव्याचा उपमा सर्वांना परिचित आहे, परंतु रव्याऐवजी शेवया वापरून केलेला शेवयांचा उपमा हा अधिक रुचकर आणि लवकर तयार होणारा पर्याय आहे. शेवया म्हणजेच vermicelli हे गव्हापासून तयार केलेले बारीक शेवया असतात. या शेवया भाजून घेतल्या की त्यांचा सुवास आणि चव दोन्ही अप्रतिम लागतात.

सकाळी उठल्यानंतर नियमित प्या Carrot Shots! त्वचा चमकदार ठेवण्यासोबतच शरीराला होतील आश्चर्यकारक फायदे

सकाळच्या नाश्त्यासाठी, डब्यात किंवा हलक्या जेवणासाठी शेवयांचा उपमा एकदम योग्य पदार्थ आहे. यात भाज्या, मोहरी, कढीपत्ता, शेंगदाणे आणि मसाले घालून तो अधिक स्वादिष्ट बनवता येतो. विशेष म्हणजे, हा उपमा कमी तेलात, कमी वेळेत आणि जास्त चवीत तयार होतो. सणासुदीच्या काळात किंवा पाहुण्यांना पटकन काहीतरी खास द्यायचे असेल, तर शेवयांचा उपमा हा उत्तम पर्याय ठरतो. चला जाणून घेऊया यासाठी लागणारे साहित्य आणि कृती.

साहित्य :

• भाजलेल्या शेवया – 1 कप
• पाणी – 2 कप
• तेल – 2 टेबलस्पून
• मोहरी – ½ टीस्पून
• जिरे – ½ टीस्पून
• हिंग – चिमूटभर
• कढीपत्ता – 7-8 पाने
• हिरव्या मिरच्या – 2 (चिरलेल्या)
• कांदा – 1 मध्यम (बारीक चिरलेला)
• गाजर – 1 (चिरलेले)
• मटार – 2 टेबलस्पून
• शेंगदाणे – 1 टेबलस्पून
• मीठ – चवीनुसार
• लिंबाचा रस – 1 टीस्पून
• कोथिंबीर – सजावटीसाठी

Diwali 2025 : दिवाळीत फराळात बनवा कुरकुरीत आणि मसालेदार ‘कुरमुऱ्यांचा चिवडा’; फार सोपी आहे रेसिपी

कृती :

• यासाठी सर्वप्रथम प्रथम पॅनमध्ये थोडं तूप किंवा तेल घालून शेवया हलक्या भाजून घ्या. त्या हलक्या सोनेरी रंगाच्या झाल्या की बाजूला ठेवा.
• कढईत तेल गरम करून त्यात मोहरी, जिरे, हिंग आणि कढीपत्ता घाला.
• त्यात चिरलेला कांदा आणि हिरव्या मिरच्या घालून कांदा पारदर्शक होईपर्यंत परता.
• आता त्यात गाजर, मटार आणि शेंगदाणे घालून 2-3 मिनिटं परता.
• भाज्या शिजल्या की त्यात पाणी आणि मीठ घाला. पाणी उकळू द्या.
• उकळत्या पाण्यात भाजलेल्या शेवया टाका आणि मंद आचेवर 5-7 मिनिटे शिजवा, जोपर्यंत पाणी पूर्ण शोषले जाते.
• शेवयांचा उपमा शिजला की त्यात लिंबाचा रस आणि कोथिंबीर घालून चांगले मिसळा. गरमागरम उपमा सर्व्ह करा.
• हवे असल्यास बारीक चिरलेले टोमॅटो, शिमला मिरची किंवा मक्याचे दाणेही घालू शकता.
• न भाजलेल्या शेवया वापरत असल्यास आधी हलक्या भाजून घ्या, त्यामुळे उपमा चिकट होत नाही.
• नाश्त्यासाठी सोबत नारळाची चटणी किंवा ताक दिल्यास अजूनही चव वाढते.