१० मिनिटांमध्ये बनवा खमंग कुरकुरीत भडंग चिवडा, वाचा सोपी रेसिपी

पावसाळ्यात गरमगरम चहासोबत काहीतरी झणझणीत खाण्याची इच्छा होते. अशावेळी तुम्ही भडंग चिवडा खाऊ शकता. हा चिवडा चवीला देखील छान लागतो. बाहेरून एखादा पदार्थ विकत आणण्यापेक्षा घरी बनवलेल्या पदार्थाला जास्त चव लागते. त्यामुळे १० मिनिटांमध्ये सोप्या पद्धतीमध्ये भडंग चिवडा कसा तयार करायचा याची जाणून घेऊया सोपी रेसिपी.

पावसाळ्याच्या दिवसांमध्ये संध्याकाळच्या नाश्त्यासाठी काहींना काही तिखट पदार्थ खाण्याची इच्छा होते. जगभरात फेमस असलेल्या कोल्हापूरमध्ये झणझणीत भडंग चिवडा तयार केला जातो. हा चिवडा चवीला तिखट असला तरीसुद्धा अनेकांना आवडतो. भडंग चिवड्याला काही भागात कुरमुऱ्याचा चिवडा असे देखील बोलले जाते. हा चिवडा संध्याकाळच्या नाश्त्यामध्ये तुम्ही खाऊ शकता. बाजारात वेगवेगळ्या प्रकारचे भडंग चिवडे उपलब्ध आहेत. पण विकत आणलेल्या पदार्थापेक्षा घरी तयार केलेला पदार्थ चवीला अधिक सुंदर होतो. आज आम्ही तुम्हाला कुरकुरीत भडंग चिवडा कसा तयार करायचा याची सोपी रेसिपी सांगणार आहोत. चला तर जाणून घेऊया कुरकुरीत भडंग बनवण्याची सोपी रेसिपी.(फोटो सौजन्य-istock)

साहित्य:

• कुरमुरे
• फरसाण
• लसूण
• तेल
• शेंगदाणे
• चणा डाळ
• हिरवी मिरची
• कढीपत्ता
• मोहरी
• जिरं
• हळद
• हिंग
• भडंग मसाला
• मीठ
• लाल तिखट
• भाजलेली चणा डाळ

कृती:

• कुरकुरीत भडंग चिवडा तयार करण्यासाठी कुरमुरे घेऊन ते चाळून घ्या. चाळून घेतलेले कुरमुरे मंद आचेवर भाजून घ्या.
• त्यानंतर कुरमुऱ्यांमध्ये कोल्हापुरी फरसाण मिक्स करा. नंतर खलबत्यामध्ये ६ ते ७ लसूण पाकळ्या घेऊन चेचून घ्या.
• तेल गरम करण्यासाठी ठेवा. गरम तेलात चेचून घेतलेल्या लसूण पाकळ्या भाजून घ्या.
• लसूण थंड झाल्यानंतर त्यात कुरमुरे मिक्स करा. नंतर त्यात भाजलेले शेंगदाणे मिक्स करून घ्या.
• कुरमुऱ्यांच्या मिश्रणामध्ये चणा डाळ, हिरवी मिरची, कडीपत्ता घालून ते भाजून घ्या.
• एका भांड्यात तेल गरम एक चमचा मोहरी, जिरं, हळद, हिंग, भडंग मसाला, चवीनुसार मीठ, लाल तिखट हे सर्व मसाले व्यवस्थित भाजून घ्या.
• कुरमुऱ्यांमध्ये फोडणी ओतून सर्व मसाले मिस्क करून घ्या. तयार आहे कुरकुरीत भडंग.