तव्यावर अवघ्या 10 मिनिटांतच बनवा ‘चीज गार्लिक रस्क’; याची कुरकुरीत अन् चिजी चव सर्वांनाच फार आवडेल

Cheese Garlic Rusk Recipe : हलक्या भूकेला शमवण्यासाठी काही चविष्ट पर्याय शोधत असाल तर आजची रेसिपी तुमच्यासाठीच आहे. मुख्य म्हणजे ही रेसिपी फक्त काही मिनिटांतच तयार होणारी आहे. यासाठी फार मेहनतीचीही गरज नाही.

संध्याकाळच्या नाश्त्यासाठी किंवा हलक्या भूकेला शमवण्यासाठी काही चवदार पर्याय शोधत असाल तर आजही रेसिपी तुमच्या कामाची आहे. आजची आपली रेसिपी एक झटपट तयार होणारी डिश आहे जी निश्चितच लहानांपासून मोठ्यांपर्यंत सर्वांनाच आवडेल. रेसिपीच नाव आहे ‘चीज गार्लिक रस्क. याच्या नावावरुनच तुम्हाला या पदार्थाची कल्पना आली असेल. टी टाईम स्नॅक्ससाठी हा एक उत्तम पर्याय आहे.

Diwali 2025 : यंदाच्या दिवाळीत घरी 5 पारंपरिक आणि गोड चवीचे मराठी पदार्थ बनवायला विसरू नका; फराळात हे नाही तर मजा नाही!

चविष्ट पदार्थ कोणाला आवडत नाहीत? विशेषतः जेव्हा स्वादिष्ट स्नॅक्सचा विचार केला जातो तेव्हा ते टाळणे कठीण असते. जर तुम्ही अशा लोकांपैकी एक असाल ज्यांना नवीन आणि स्वादिष्ट रेसिपीज ट्राय करायला आवडतात, तर आजची रेसिपी तुमच्यासाठीच आहे. याची कुरकुरीत पोत आणि टेस्टी चव इतकी अद्भुत आहे की यापुढे तुम्ही पिझ्झा आणि बर्गरची चव विसरून जाल. अचानक घरी आलेल्या पाहुण्यांना काही चवदार सर्व्ह करण्यासाठीही हा एक चांगला पर्याय आहे. चला तर मग लगेच जाणून घेऊयात यासाठी लागणारे साहित्य आणि कृती.

साहित्य

• ४ रस्क
• ४ चमचे बटर
• १० ते १२ लसूण पाकळ्या
• बारीक चिरलेली कोथिंबीर
• चवीनुसार मीठ
• एक चमचा ओरेगॅनो
• एक चमचा चिली फ्लेक्स
• ४ चमचे चीज

Diwali Special Recipe: भाजणीचा वापर न करता झटपट बनवा कुरकुरीत बटर चकली, काही दिवसांमध्ये होईल फस्त

कृती

• चीज गार्लिक रस्क बनवण्यासाठी, सर्वप्रथम एका भांड्यात चार चमचे बटर आणि चार चमचे चीज घाला.
• बटर वितळले आहे याची खात्री करा आणि बटर-चीजला चांगल एकत्र करा.
• आता १० ते १२ लसूण पाकळ्या घ्या आणि त्या चांगल्या भाजून घ्या. एकदा त्या शिजल्या की, त्या पूर्णपणे कुस्करून घ्या.
• लसूण खूप बारीक चिरून घ्यावा. कुस्करून झाल्यावर, त्या बटर आणि चीजच्या भांड्यात घाला.
• आता, बटर आणि चीजच्या भांड्यात एक चमचा ओरेगॅनो, एक चमचा चिली फ्लेक्स, बारीक चिरलेली कोथिंबीर आणि चवीनुसार मीठ घाला.
• लक्षात ठेवा की बटरमध्ये मीठ असते, म्हणून मीठाचे प्रमाण थोडे कमी ठेवा.
• आता, हे सर्व साहित्य बटर आणि चीजमध्ये चांगले मिसळा. आता, चार रस्क घ्या आणि चमच्याने मिश्रण काढा आणि ते चारही रस्कवर समान रीतीने पसरवा.
• शेवटी, गॅस स्टोव्ह चालू करा आणि त्यावर एक पॅन ठेवा.
• पॅन गरम झाल्यावर, एक चमचा बटर घाला.
• पॅनवर चारही रस्क ठेवा आणि प्लेटने झाकून ठेवा.
• मंद आचेवर हे रस्क छान काही मिनिटे शिजवून घ्या, झाकण ठेवल्याने यावरील चीज योग्यरीत्या वितळले जाईल.
• तयार गरम चीज गार्लिक रस्क एका प्लेटमध्ये खाण्यासाठी सर्व्ह करा.
• तुम्ही यासोबत तुमच्या आवडीचा साॅस खाण्यासाठी घेऊ शकता.