सोड्याचा वापर न करता दिवाळीनिमित्त घरी बनवा कुरकुरीत आलू भुजिया शेव, फराळ होईल आणखीनच चविष्ट

दिवाळीनिमित्त घरात अनेक वेगवेगळे फराळाचे पदार्थ बनवले जातात. म्हणूनच आज आम्ही तुम्हाला सोड्याचा वापर न करता आलू भुजिया शेव बनवण्याची सोपी रेसिपी सांगणार आहोत.

दिवाळीला सगळीकडे आनंद असतो. अंगणात सुंदर रांगोळी काढून दिवे लावले जातात. तसेच घरात वेगवेगळे फराळातील पदार्थ बनवले जातात. दिवाळीला घरात चिवडा, करंजी, लाडू, शंकरपाळ्या इत्यादी अनेक पदार्थ बनवले जातात. याशिवाय काही लोक कामाच्या धावपळीमुळे फराळातील पदार्थ बाहेरून विकत आणतात. पण विकतच्या पदार्थांमध्ये सोड्याचा वापर केला जातो. सोडा खाल्यामुळे पोट सहज भरते आणि सारखी तहान लागते. त्यामुळे फराळातील कोणतेही पदार्थ बनवताना सोड्याचा अजिबात वापर करू नये. आज आम्ही तुम्हाला सोड्याचा वापर न करता कुरकुरीत आलू भुजिया शेव बनवण्याची सोपी रेसिपी सांगणार आहोत. बऱ्याचदा बाजारातून विकत आणलेली शेव जितक्या आवडीने खाल्ली जाते, तितक्याच आवडीने घरी बनवलेली शेव खाल्ली जात नाही. शेव बनवताना प्रमाणात गोंधळ झाल्यानंतर संपूर्ण पदार्थाची चव बिघडून जाते.त्यामुळे फराळातील कोणताही पदार्थ बनवताना अचूक प्रमाण घेऊन पदार्थ बनवावेत. चला तर जाणून घेऊया आलू भुजिया शेव बनवण्याची सोपी रेसिपी.(फोटो सौजन्य – istock)

शाळेच्या डब्यासाठी नेहमीच काय बनवावं सुचत नसेल तर सोप्या पद्धतीमध्ये बनवा कुरकुरीत चविष्ट कांदा- कोथिंबीर पराठा

साहित्य:

• बटाटे
• आमचूर पावडर
• धणे पावडर
• लाल तिखट
• गरम मसाला
• हळद
• कसुरी मेथी
• बेसन
• मीठ
• चाट मसाला
• पाणी

Sweet Potato Recipe: संकष्टी चतुर्थीला सोप्या पद्धतीमध्ये बनवा चविष्ट रताळ्याचा किस, नोट करून घ्या झटपट तयार होणारी रेसिपी

कृती:

• कुरकुरीत आलू भुजिया बनवण्यासाठी सर्वप्रथम, मोठ्या भांड्यात किसून घेतलेले बटाटे, आमचूर पावडर,धणे पावडर, गरम मसाला, लाल तिखट मसाला, हळद, कसुरी मेथी, मीठ टाकून व्यवस्थित मिक्स करून घ्या.
• शेव बनवताना सर्व साहित्य योग्य प्रमाणात टाकावे. यामुळे पदार्थाची चव बिघडणार नाही. बनवलेला पदार्थ जास्त वेळ टिकून राहील.
• पीठ व्यवस्थित मळून झाल्यानंतर त्यात थोडस तेल टाकून मळून घ्या आणि काहीवेळ तसेच ठेवून द्या.
• शेवच्या साच्याला आतून तेल लावून घ्या. त्यानंतर त्यात पीठ भरून कढईमधील गरम तेलात शेव पडा. गरम तेलात शेव पडताना स्वतःची खूप जास्त काळजी घ्यावी.
• मंद आचेवर शेव व्यवस्थित लाल कुरकुरीत होईपर्यंत तळून घ्या. यामुळे पदार्थाची चव सुंदर लागेल.
• तयार आहे सोप्या पद्धतीमध्ये बनवलेली कुरकुरीत आलू भुजिया शेव.