वर्षभर टिकणारी झणझणीत दही मिरची आता घरीच तयार करा, वाचा सोपी रेसिपी

घरात जेवण बनवल्यानंतर सुद्धा अनेकांना जेवणात मिरची किंवा लोणचं, चटणी इत्यादी पदार्थ लागतात. हे पदार्थ जेवणात असले की जेवणाची चव आणखीन सुंदर लागते. वरण, भात, भाजी, पोळीसोबत तोंडी लावण्यासाठी काहींना काही लागतच.

पावसाळा आणि थंडीच्या दिवसांमध्ये काहींना काही झणझणीत आणि तिखट पदार्थ खाण्याची इच्छा होते. घरात जेवण बनवल्यानंतर सुद्धा अनेकांना जेवणात मिरची किंवा लोणचं, चटणी इत्यादी पदार्थ लागतात. हे पदार्थ जेवणात असले की जेवणाची चव आणखीन सुंदर लागते. वरण, भात, भाजी, पोळीसोबत तोंडी लावण्यासाठी काहींना काही लागतच. काहीवेळा बाजारातून सुखवलेल्या हिरव्या मिरच्या आणल्या जातात. पण या मिरच्या चवीला एवढ्या तिखट आणि सुंदर लागत नाही. बाजारात मिळणारी महागडी पाकीट विकत घेण्यापेक्षा तुम्ही दह्यातल्या मिरच्या घरीसुद्धा बनवू शकता. बाजारात मिळणाऱ्या मिरचीपेक्षा घरी तयार केलेली मिरची चवीला अतिशय सुंदर लागते. चला तर जाणून घेऊया वर्षभर टिकणारी दही मिरची बनवण्याची सोपी रेसिपी.(फोटो सौजन्य-istock)

साहित्य:

• ताज्या हिरव्या मिरच्या
• दही
• धने जिरे पावडर
• हिंग
• हळद
• शेंगदाण्याचा कूट
• मीठ

कृती:

• दही मिरची तयार करण्यासाठी एका बाजारात मिळणाऱ्या ताज्या मिरच्या आणून स्वच्छ पाण्याने धुवून घ्या.
• त्यानंतर एका भांड्यात दही मीठ, हिंग, हळद, धने- जिरे पूड, दाण्याचा कूट सर्व साहित्य व्यवस्थित मिक्स करून घ्या.
• त्यानंतर त्यात दह्याच्या मिश्रणामध्ये मिरच्या टाकून व्यवस्थित हलवून घ्या. दही सर्व मिरच्यांना व्यवस्थित लागले पाहिजे.
• दही लावून झाल्यानंतर रात्रभर मिरच्या दह्यामध्ये भिजत ठेवा.
• दुसऱ्यादिवशी सकाळी मिरच्या प्लॅस्टिकच्या मोठ्या तुकड्यावर ओतून उन्हात सुकण्यासाठी ठेवा.
• मिरच्या कडकडीत सुकल्यानंतर बंद डब्यात भरून ठेवा.
• जेवणाच्या वेळी गरम तेलात मिरच्या तळून तुम्ही या जेवणासोबत खाऊ शकता.