यंदाच्या वर्षी गणपती बाप्पाच्या स्वागतासाठी घरीच बनवा केशरी बुंदीचे लाडू, विकतची मिठाई कायमची जाल विसरून

गणपती बाप्पाच्या नैवेद्यासाठी घरात अनेक वेगवेगळे पदार्थ बनवले जातात. त्यामुळे आज आम्ही तुम्हाला केशरी बुंदीचे लाडू बनवण्याची सोपी रेसिपी सांगणार आहोत. हा पदार्थ कमीत कमी वेळात झटपट तयार होतो.

गणपती बाप्पाच्या आगमनाला अवघे काही दिवस शिल्लक राहिले आहे. बाप्पाच्या स्वागतासाठी मोठ्या जलौषात सगळीकडे तयारी केली जात आहे. मकर, पूजेचे साहित्य, नैवेद्य आणि बाप्पाच्या प्रसादासाठी लागणाऱ्या वस्तूंच्या खरेदीला सुरुवात झाली आहे. सणावाराच्या दिवसांमध्ये बाजारात अनेक वेगवेगळ्या प्रकारच्या मिठाई उपलब्ध असतात. लहान मुलांपासून अगदी मोठ्यांपर्यंत सगळ्यांचं मिठाई खायला खूप जास्त आवडते. पण उत्सवाच्या दिवसांमध्ये मिठाईच्या पदार्थांमध्ये मोठ्या प्रमाणावर भेसळ केली जाते. भेसळ युक्त मिठाई बाजारात विकत जात आहे. त्यामुळे भेसळ युक्त मिठाईचे सेवन करण्याऐवजी तुम्ही बाप्पाच्या स्वागतासाठी घरच्या घरी सुद्धा मिठाईतील पदार्थ बनवू शकता. आज आम्ही तुम्हाला केशरी बुंदीचे लाडू बनवण्याची सोपी रेसिपी सांगणार आहोत. मऊ रसरशीत लाडू पाहुण्यांसह घरातील सगळ्यांचं खूप जास्त आवडतील. चला तर जाणून घेऊया बुंदीचे लाडू बनवण्याची सोपी रेसिपी.(फोटो सौजन्य – istock)

झटपट तयार होणारा टेस्टी नाश्ता, घरी बनवून पहा मऊ अन् गोडसर फ्रेंच टोस्ट; अवघ्या १० मिनिटांची रेसिपी!

साहित्य:

• बेसन
• पाणी
• बेकिंग सोडा
• साखर
• केशरी रंग
• वेलची पावडर
• तूप
• भोपळ्याच्या बिया

सकाळच्या नाश्त्यासाठी १० मिनिटांमध्ये बनवा चीज ब्रेड ऑम्लेट, नोट करून घ्या हेल्दी रेसिपी

कृती:

• बुंदीचा लाडू बनवण्यासाठी सर्वप्रथम, बेसन पीठ चाळून घ्या.चाळून घेतलेले पीठ भांड्यात घेऊन त्यात चवीनुसार मीठ टाकून मिक्स करा.
• त्यानंतर त्यात आवश्यकतेनुसार पाणी घालून पीठ व्यवस्थित मिक्स करून घ्या.
• कढईमधील गरम तेलात छिद्र असलेल्या भांड्याचा वापर करून बुंदी पडून व्यवस्थित कुरकुरीत होईपर्यंत तळून घ्या.
• मोठ्या टोपात साखर ओतून त्यात पाणी घालून गॅसवर गरम होण्यासाठी ठेवा. साखरेचा पाक तयार करताना त्यात वेलची पावडर आणि केशर रंग टाकून मिक्स करा.
• तयार केलेला साखर पाक बुंदीमध्ये ओतून व्यवस्थित मिक्स करा आणि बुंदीमध्ये मुरण्यासाठी ठेवा.
• पाक बुंदीमध्ये मुरल्यानंतर तुम्हाला हवे त्या आकाराचे लाडू बनवून भोपळ्याच्या बिया लावा.
• तयार आहेत सोप्या पद्धतीमध्ये बनवलेले केशरी बुंदीचे लाडू.