लहान मुलांच्या डब्यासाठी १० मिनिटांमध्ये झटपट बनवा कुरकुरीत बेसन भेंडी फ्राय, चवीला लागेल मस्त

लहान मुलांना भेंडीची भाजी खायला खूप जास्त आवडते. म्हणूनच आज आम्ही तुम्हाला कुरकुरीत बेसन भेंडी फ्राय बनवण्याची सोपी रेसिपी सांगणार आहोत. हा पदार्थ १० मिनिटांमध्ये लगेच तयार होतो.

सर्वच लहान मुलांच्या अतिशय आवडीची भाजी म्हणजे भेंडी. मुलांच्या डब्यात रोज भेंडीची भाजी दिली तरीसुद्धा मुलं खूप आवडीने भाजी खातात. शाळेच्या डब्यात मुलांना कायमच काहींना काही हेल्दी आणि चमचमीत पदार्थ खाण्यास हवा असतो. म्हणूनच आज आम्ही तुम्हाला कुरकुरीत बेसन भेंडी बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल. चपाती किंवा गरमागरम भाकरीसोबत भेंडी फ्राय अतिशय सुंदर लागते. कायमच कांदा, टोमॅटो आणि मसाल्यांचा वापर करून बनवलेली भाजी खाऊन कंटाळा आल्यानंतर तुम्ही या पद्धतीने भेंडीची भाजी बनवू शकता. घरातील अनेकांना भेंडीची भाजी खायला अजिबात आवडत नाही. भेंडीच्या बिया आणि भाजीमधील चिकटपणामुळे भाजी खाण्यास नकार दिला जातो. पण फ्राय केलेली भेंडी चवीला अतिशय सुंदर लागतात. चला तर जाणून घेऊया कुरकुरीत बेसन भेंडी फ्राय बनवण्याची सोपी रेसिपी.(फोटो सौजन्य – pinterest)

यंदाच्या वर्षी गणपती बाप्पाच्या स्वागतासाठी घरीच बनवा केशरी बुंदीचे लाडू, विकतची मिठाई कायमची जाल विसरून

साहित्य:

• भेंडी
• बेसन
• लाल तिखट
• मीठ
• जिऱ्याची पावडर
• धणे पावडर
• गरम मसाला

आंबट गोड चवीच्या पपनीसपासून झटपट बनवा ‘हा’ चविष्ट पदार्थ, लहान मुलांपासून अगदी मोठ्यांपर्यंत सगळ्यांचं आवडेल पदार्थ

कृती:

• भेंडी फ्राय बनवण्यासाठी सर्वप्रथम, पाण्याने भेंडी स्वच्छ धुवून घ्या. त्यानंतर कॉटनच्या कपड्याने भेंडी व्यवस्थित पुसा.
• भेंडीच्या मागील आणि पुढील देठ काढून भेंडी उभी पातळ चिरून घ्या.
• मोठ्या वाटीमध्ये बेसन पीठ घेऊन त्यात चवीनुसार मीठ, हळद आणि लाल तिखट घालून व्यवस्थित मिक्स करा.
• नंतर त्यात जिऱ्याची पावडर आणि धणे पावडर घालून व्यवस्थित मिक्स करा. मसाले मिक्स करून झाल्यानंतर त्यात चिरून घेतलेली भेंडी आणि बारीक चिरलेली कोथिंबीर टाकून व्यवस्थित मिक्स करून घ्या.
• कढईमध्ये तेल गरम करून त्यात मोहरी आणि जिरं टाकून भाजा. नंतर त्यात भेंडी टाकून खमंग परतून घ्या. भेंडी व्यवस्थित कुरकुरीत होण्यासाठी गॅस मंद आचेवर ठेवा.
• तयार आहे सोप्या पद्धतीमध्ये बनवलेली कुरकुरीत बेसन भेंडी फ्राय.