आवडीच्या पदार्थाने करा लहान मुलांना खुश; मेहनत घेण्याची गरज नाही, कुकरमध्ये बनवा देसी स्टाईल ‘पास्ता’

Desi Style Pasta Recipe : लहानांपासून मोठ्यांपर्यंत सर्वांनाच पास्ता खायला फार आवडतं. अशात तुम्हाला माहिती आहे का? तुम्ही कमी वेळात अगदी झटपट आणि चविष्ट असा पास्ता कुकरमध्येच बनवू शकता.

आजकाल पास्ता म्हटले की आपल्याला लगेच इटालियन डिशची आठवण होते. पण आपल्या भारतीय स्वयंपाकघरात जेव्हा हा पास्ता थोड्या देसी टचने आणि सोप्या पद्धतीने कुकरमध्ये बनतो, तेव्हा त्याची मजाच काही और असते. कुकरमध्ये पास्ता बनवण्याचा फायदा असा की तो पटकन शिजतो, चविष्ट लागतो आणि घरच्या घरी बाजारपेठेतल्या रेस्टॉरंटसारखा पास्ता तयार होतो.

शिल्लक राहिलेल्या भातापासून काही मिनिटांमध्ये बनवा टेस्टी Tomato Rice, नोट करून घ्या रेसिपी

यात भाज्यांची भरपूर मजा, मसाल्यांचा तडका आणि चीजचा मस्त फ्लेवर येतो. पास्ता एक असा पदार्थ आहे जो फक्त लहानांनाच नाही तर मोठ्यांनाही तितकाच आवडतो आणि कमी वेळेत बनून तयारही होतो. देसी स्टाईल पास्ता रेसिपीने तुम्ही घरातील सर्वांनाच खुश करू शकता. काहीतरी वेगळं, चविष्ट आणि झटपट तयार होणारं खायचं असेल तर हा एक तुमच्यासाठी परफेक्ट पर्याय आहे. चला जाणून घेऊया यासाठी लागणारे साहित्य आणि कृती.

साहित्य 

• १ कप पास्ता
• १ टेबलस्पून तेल/बटर
• १ कांदा (बारीक चिरलेला)
• १ टोमॅटो (बारीक चिरलेला)
• १ गाजर (किसलेले)
• ½ कप ढोबळी मिरची (चिरलेली)
• ½ कप मटार
• १ टीस्पून आले-लसूण पेस्ट
• १ टीस्पून लाल तिखट
• ½ टीस्पून हळद
• १ टीस्पून गरम मसाला
• २ टेबलस्पून टोमॅटो सॉस
• ½ टीस्पून मिरपूड पूड
• चवीनुसार मीठ
• २ कप पाणी
• वरून किसलेले चीज

इंडो चायनीज खायला फार आवडत? मग आजच घरी बनवा हॉटेल स्टाईल मंचुरियन ड्राय; लगेच नोट करा रेसिपी

कृती

• यासाठी सर्वप्रथम कुकरमध्ये तेल किंवा बटर टाकून गरम करा.
• यानंतर त्यात कांदा घालून सोनेरी होईपर्यंत परता.
• त्यात आले-लसूण पेस्ट घालून छान परतून घ्या.
• आता टोमॅटो, गाजर, मटार आणि ढोबळी मिरची टाकून २ मिनिटे शिजवा.
• हळद, लाल तिखट, गरम मसाला, मिरपूड पूड घालून मिक्स करा.
• कुकरमध्ये पास्ता, मीठ व २ कप पाणी घालून ढवळा. झाकण लावून २ शिट्या होऊ द्या.
• प्रेशर निघाल्यावर टोमॅटो सॉस टाका, वरून किसलेले चीज घालून गरमागरम सर्व्ह करा.
• तुम्हाला हवे असल्यास यात थोडासा बटर किंवा फ्रेश क्रीम घातल्यास पास्ता आणखी रिच आणि क्रीमी लागतो.

FAQs (संबंधित प्रश्न)

पास्ता बनवण्यासाठीचा गोल्डन रुल काय?
पास्ता उकळवताना गॅसची फ्लेम जास्त ठेवा.

कुकरमध्ये पास्तासाठी किती शिट्ट्या घ्याव्यात?
प्रेशर कुकरमध्ये पास्ता शिजवण्यासाठी, हाय फ्लेमवर दोन शिट्ट्या घ्या. जर तुम्हाला सॉसियर पास्ता हवा असेल किंवा प्रेशर लवकर सोडायचे असेल तर एक शिट्टी घ्या.