चिकन लव्हर्ससाठी खास; एकदा घरी नक्की बनवून पहा हॉटेल स्टाईल Afghani Chicken Tikka

हॉटेलमध्ये तर तुम्ही अनेकदा अफगाणी चिकनची चव चाखली असेल मात्र तुम्ही हा पदार्थ कधी घरी बनवला आहे का? यात मसाले आणि दहीच्या मिश्रणात चिकनला मॅरीनेट करून मग याला तंदूर केले जाते.

अफगाणी चिकन टिक्का (Afghani Chicken Tikka) ही अफगाणिस्तानमधून आलेली एक लोकप्रिय आणि चवदार डिश आहे. ही डिश चिकनचे तुकडे मसाले आणि दही यांच्या मिश्रणात मॅरीनेट केले जातात आणि मग तंदूरमध्ये भाजले जाते. याची चव सिंपल पण तितकीच चवदार अशी आहे. तंदूरमध्ये भाजलेले हे क्रिमी चिकन चवीला अप्रतिम लागते. बऱ्याचदा ही रेसिपी तुम्ही हॉटेलमध्ये खाल्ली असेल मात्र तुम्हाला माहिती आहे का? तुम्ही घरीदेखील हा पदार्थ अगदी सहज बनवू शकता. ही एक स्टार्टर डिश आहे, खास पार्टीसाठी किंवा वीकेंड स्पेशल मेनूसाठी अफगाणी चिकन टिक्का एक उत्तम पर्याय ठरतो. चिकन लव्हर्स असाल तर ही रेसिपी एकदा नक्की ट्राय करा. लहानांपासून मोठ्यांपर्यंत याची चव सर्वांनाच आवडते. चला तर मग नोट करूयात यासाठी लागणारे साहित्य आणि कृती.

तोच तोच बोरिंग नाश्ता सोडा; घरी बनवा कुरकुरीत आणि मसालेदार Stuffed Bread Pakora

साहित्य

• बोनलेस चिकन – 500 ग्रॅम (मध्यम तुकडे करून)
• दही – ½ कप
• फ्रेश क्रीम – ¼ कप
• लसूण-आले पेस्ट – 1 चमचा
• काजू पेस्ट – 2 चमचे
• हिरवी मिरची पेस्ट – 1 चमचा
• मीठ – चवीनुसार
• लिंबाचा रस – 1 चमचा
• बटर किंवा तेल
• चाट मसाला
• कांदा आणि लिंबाचे तुकडे

संध्याकाळच्या नाश्त्यात भूक लागल्यानंतर सोप्या पद्धतीमध्ये बनवा मल्टीग्रेन ब्रेड सँडविच, आरोग्यासाठी ठरेल पौष्टिक

कृती

• अफगाणी चिकन टिक्का तयार करण्यासाठी सर्वप्रथम एका मोठ्या भांड्यात दही, फ्रेश क्रीम, लसूण-आले पेस्ट, काजू पेस्ट, हिरवी मिरची पेस्ट, लिंबाचा रस आणि मीठ एकत्र करा
• या मिश्रणात चिकनचे तुकडे घालून चांगले मिक्स करा
• झाकून कमीत कमी ३-४ तास किंवा रात्रभर फ्रिजमध्ये ठेवा. यामुळे चिकन अधिक सॉफ्ट आणि चविष्ट होईल
• यांनतर गॅसवर एक तवा ठेवा आणि यात बटर घाला
• मॅरिनेट केलेले चिकन तुकडे मध्यम आचेवर दोन्ही बाजूंनी छान भाजून घ्या, प्रत्येक बाजूला साधारणतः ५-६ मिनिटं लागतील
• चिकन पूर्ण शिजले आहे याची खात्री करून घ्या
• तयार अफगाणी चिकन टिक्का वर थोडा चाट मसाला भुरभुरा
• झणझणीत हवं असल्यास थोडी लाल तिखट पावडर मिक्स करू शकता
• तंदूर किंवा ओव्हनमध्येही हे चिकन ग्रिल करता येते – यासाठी 200°C वर 20-25 मिनिटे शिजवून घ्या
• अफगाणी चिकन टिक्का एका प्लेटमध्ये काढा आणि पुदिन्याच्या चटणीसह गरमा गरम खाण्यासाठी सर्व्ह करा