संध्याकाळच्या नाश्त्यात भूक लागल्यानंतर सोप्या पद्धतीमध्ये बनवा मल्टीग्रेन ब्रेड सँडविच, आरोग्यासाठी ठरेल पौष्टिक

संध्याकाळच्या नाश्त्यात भूक लागल्यानंतर तुम्ही सोप्या पद्धतीमध्ये मल्टीग्रेन ब्रेड सँडविच बनवू शकता. हे सँडविच खाल्यानंतर लवकर भूक लागणार नाही. चला तर जाणून घेऊया मल्टीग्रेन ब्रेड सँडविच बनवण्याची सोपी रेसिपी.

संध्याकाळच्या नाश्त्यात भूक लागल्यानंतर सोप्या पद्धतीमध्ये बनाव मल्टीग्रेन ब्रेड सँडविच

Follow Us:

Follow Us:

संध्याकाळी कामावरून थकून घरी आल्यानंतर काहींना काही खाण्याची इच्छा होते. बऱ्याचदा नाश्त्यामध्ये बाहेरून विकत आणलेले पदार्थ खाल्ले जातात. वडापाव, शेवपुरी, पिझ्झा, बर्गर इत्यादी अनेक तिखट तेलकट पदार्थ खाल्ले जातात. मात्र नेहमीच बाहेरचे पदार्थ खाणे आरोग्यासाठी अतिशय घातक आहेत. दैनंदिन आहारात किंवा नाश्त्यात नेहमीच पौष्टिक आणि हेल्दी पदार्थ खावेत. म्हणूनच आज आम्ही तुम्हाला संध्याकाळच्या नाश्त्यात मल्टीग्रेन ब्रेड सँडविच बनवण्याची सोपी रेसिपी सांगणार आहोत. सँडविच हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडतो. याशिवाय यामध्ये असलेल्या भाज्या, पनीर आरोग्य सुधारण्यास मदत करतात. मल्टीग्रेन ब्रेड इतर ब्रेडपेक्षा खूप जास्त हेल्दी आणि पौष्टिक आहे. त्यामुळे नाश्त्यात किंवा इतर ब्रेड खाण्याची इच्छा झाल्यास तुम्ही मल्टीग्रेन ब्रेड खाऊ शकता. मल्टीग्रेन ब्रेड सँडविच तुम्ही बाहेर फिरायला जाताना सुद्धा बनवून नेऊ शकता. चला तर जाणून घेऊया मल्टीग्रेन ब्रेड सँडविच बनवण्याची सोपी रेसिपी.(फोटो सौजन्य – iStock)

जेवणाला येईल खमंग चव! मराठवाडी पद्धतीमध्ये झटपट बनवा खोबरं- लसूण चटणी, नोट करून घ्या रेसिपी

साहित्य:

• मल्टीग्रेन ब्रेड
• पनीर
• टोमॅटो
• कांदा
• शिमला मिरची
• काकडी
• हिरवी चटणी
• सॉस
• बटर
• मीठ
• काळीमिरी पावडर

पाणीपुरी खायची इच्छा झाली आहे? घरच्या घरी झटपट बनवा कैरी पुदिन्याचे चटकदार पाणी, नोट करून घ्या रेसिपी

कृती:

• मल्टीग्रेन ब्रेड सँडविच बनवण्यासाठी सर्वप्रथम, काकडीची साल काढून बारीक तुकडे करून घ्या. या प्रमाणेच कांदा, टोमॅटो आणि शिमला मिरची बारीक कापा.
• त्यानंतर पनीर स्वच्छ धुवून पनीरचे सुद्धा बारीक तुकडे करून घ्या.
• मल्टीग्रेन ब्रेडचे स्लाइस घेऊन त्यावर हिरव्या चटणी लावून नंतर बारीक चिरून घेतलेल्या भाज्या टाकून वरून चवीनुसार मीठ आणि काळीमिरी पावडर पसरवून घ्या.
• त्यावर पनीरचे तुकडे ठेवून किसलेले चीज टाका. दुसऱ्या ब्रेड स्लाइसला सॉस लावून ब्रेडवर ठेवा.
• तव्यावर बटर टाकून त्यावर तयार करून घेतलेले सँडविच ठेवून दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले मल्टीग्रेन ब्रेड सँडविच.

Web Title: How to make multigrain bread sandwich at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com