कोलकात्याची फेमस ‘झालमुरी’ बनवा आता घरीच; चटपटीत चव… संध्याकाळच्या नाश्त्यासाठी परफेक्ट पर्याय

Kolkata Jhal Muri Recipe : झालमुरी हा कोलकात्याचा एक फेमस स्ट्रीट फूड आहे. मुंबईच्या भेळप्रमाणेच दिसणाऱ्या या पदार्थाची चव थोडीशी हटके आहे. याची चटपटीत चव संध्याकाळच्या नाश्त्यासाठी उत्तम पर्याय ठरते.

• झालमुरी हा कोलकात्याच्या फेमस स्ट्रीट फूड आहे
• संध्याकाळच्या नाश्त्यासाठी हा एक उत्तम पर्याय आहे
• याची चव मसालेदार आणि चटपटीत लागते

पूर्व भारतातील कोलकाता हे शहर जसं संस्कृती, इतिहास आणि कला यांसाठी प्रसिद्ध आहे, तसंच तेथील रस्त्यांवरील खमंग खाद्यपदार्थही मोठ्या प्रेमाने ओळखले जातात. शहरात पाय टाकताच एखाद्या कोपऱ्यावरून येणारा मसाल्यांचा दरवळ, उकडलेल्या बटाट्याचे सुगंध आणि कडक चहा यांची साथ ही प्रत्येक खादाड व्यक्तीच्या जिभेला अगदी आपोआप पाणी आणणारी अनुभूती असते. अशाच रस्त्यावरच्या प्रसिद्ध पदार्थांपैकी एक म्हणजे कोलकाता स्टाईल झालमुरी.

चहाची मजा द्विगुणित करेल गव्हाच्या पिठाचे कुकीज; सुगंधित, पौष्टिक अन् पाहता क्षणी लहान मुले होतील खुश

‘झाल’ म्हणजे तिखट, ‘मुडी’ म्हणजे मुरमुरे या दोन साध्या शब्दांत एक अफलातून चव दडलेली आहे. हे फक्त स्नॅक नाही; हे कोलकात्याच्या वेगवान जीवनशैलीचं प्रतीक आहे. दिव्यांसारखे चकचकणारे शहर, हातगाडीवर बनणारी चटकदार झालमुरी, आणि तयार करणाऱ्या काकांचा लयबद्ध हात… हे सगळं मिळून तयार होतं एक अविस्मरणीय अनुभव. झालमुरीची खासियत म्हणजे त्यात वापरण्यात येणारी मसाला-मिश्रण, ताज्या भाज्या, मोहरीचं तेल आणि कागदी किंवा पाने-कोनात दिलेली ही कुरकुरीत चव. घरी बनवताना आपण या रेसिपीत कोलकात्याचा मूळ “स्ट्रिट-फूड टच” अनुभवू शकतो. चला जाणून घेऊया याला बनवण्यासाठी लागणारे साहित्य आणि कृती.

साहित्य:

• मुरमुरे – 2 कप
• बारीक चिरलेला कांदा – 1
• बारीक चिरलेला टोमॅटो – 1
• उकडलेला बटाटा – 1 (क्यूब्ज मध्ये कापलेला)
• काकडी – 2–3 टेबलस्पून (बारीक चिरलेली)
• हिरवी मिरची – 1 (बारीक चिरलेली)
• कोथिंबीर – 2 टेबलस्पून (चिरलेली)
• भाजलेली शेंगदाणे – 2–3 टेबलस्पून
• चाट मसाला – ½ टीस्पून
• काळं मीठ – ¼ टीस्पून
• लाल तिखट – ¼ टीस्पून (ऐच्छिक, कोलकाता स्टाईल mild असते)
• लिंबाचा रस – 1–2 टीस्पून
• मोहरीचं तेल (Mustard Oil) – 1 टीस्पून (खरा कोलकाता फ्लेवर!)
• पापडी किंवा मुठरी – 2–3
• मीठ – चवीनुसार

साध्या जेवणाला येईल खमंग चव! परफेक्ट प्रमाण घेऊन घरीच तयार करा वर्षभर टिकून राहणारा गरम मसाला, नोट करा रेसिपी

कृती:

• यासाठी सर्वप्रथम एका मोठ्या भांड्यात किंवा बोलमध्ये मुरमुरा घाला.
• त्यात चिरलेला कांदा, टोमॅटो, काकडी, उकडलेला बटाटा आणि हिरवी मिरची मिसळा.
• आता भाजलेली शेंगदाणे, चाट मसाला, काळं मीठ आणि तिखट घालून हलकेच मिसळा.
• त्यानंतर मोहरीचं तेल वरून शिंपडा. हेच त्या झालमूडीचं “ओरिजिनल कोलकाता अरोमा”
• आता सर्वकाही छान हलवून मिसळून घ्या.
• शेवटी लिंबाचा रस आणि कोथिंबीर घालून पुन्हा एकदा मिक्स करा.
• लगेच कागदी कोनात किंवा बाउलमध्ये सर्व्ह करा. जास्त वेळ ठेवू नका, नाहीतर मुरमुरे मऊ होतात.
• वरून 2-3 पापडी तुकडे करून घातल्यास चव आणखी वाढते.
• थोडे उकडलेले चणेही घालू शकता, हे खास कोलकाता स्ट्रीट स्टाईल टविस्ट देण्यास मदत करते.