रविने ताक घुसळण्याचे टेन्शन कायमचे जा विसरून! ५ मिनिटांमध्ये मिक्सरमध्ये बनवा थंडगार मसाला ताक

ताक बनवण्यासाठी कायमच रवीचा वापर करावा लागतो. पण त्याऐवजी मिक्सरच्या भांड्यात तुम्ही मसाला ताक बनवू शकता. मसाला ताक चवीसोबतच शरीरासाठी सुद्धा फायदेशीर आहे.

उन्हाळा ऋतूला सुरुवात झाल्यानंतर थंडगार पेयांचे आवर्जून सेवन केले जाते. ताक, दही, आईस्क्रीम, कोल्ड्रींक इत्यादी अनेक पेय आवडीने प्यायले जातात. उन्हाळ्यासह इतर सर्वच ऋतूंमध्ये ताक आवडीने प्यायले जाते. ताक प्यायल्यामुळे शरीरात उष्णता कायम टिकून राहते आणि शरीर थंड राहते. सतत येणाऱ्या घामामुळे शरीरातील पाण्याची पातळी कमी होऊन जाते, यामुळे डिहायड्रेशन होण्याची जास्त शक्यता असते. शरीरातील पाणी कमी झाल्यानंतर थकवा, अशक्तपणा वाढतो आणि आरोग्य बिघडून जाते. त्यामुळे उन्हाळ्यात भरपूर पाणी प्यावे. पाण्यासोबतच दुपारच्या जेवणानंतर एक ग्लास ताक प्यावे. ताक प्यायल्यामुळे आतड्यांमधील विषारी घटक बाहेर पडून जातात आणि शरीर स्वच्छ होते. ताक पिण्याची इच्छा झाल्यानंतर ते कायमच विकत आणून प्यायले जाते. पण सतत विकतचे शिळे झालेले ताक पिण्याऐवजी घरी बनवलेले फ्रेश ताक प्यावे. आज आम्ही तुम्हाला मिक्सरच्या भांड्यात मसाला ताक बनवण्याची सोपी रेसिपी सांगणार आहोत.(फोटो सौजन्य – pinterest)

बाहेरून खुसखुशीत, आतून मऊ आणि चवदार… तुम्ही कधी ‘एग चॉप’ खाल्लं आहे का? स्टार्टर्ससाठी परफेक्ट रेसिपी

साहित्य:

• दही
• कोथिंबीर
• पुदिन्याची पाने
• हिरवी मिरची
• आलं
• काळे मीठ
• थंड पाणी
• साखर
• बर्फाचे तुकडे

Ramdan 2026 : इफ्तारची मेजवानी करा गोड, घर बनवा टेस्टी ‘अरेबियन पुडिंग’, पाहूनच तोंडात येईल पाणी

कृती:

• थंडगार मसाला ताक बनवण्यासाठी सर्वप्रथम, मिक्सरच्या भांड्यात दही घ्या. त्यानंतर त्यात कोथिंबीर, पुदीन्याची पाने, हिरवी मिरची, आलं, काळं मीठ आणि पाणी घालून साहित्य व्यवस्थित वाटून घ्या.
• तयार केलेले ताक मोठ्या टोपात काढून घ्या. त्यानंतर त्यात बर्फाचे तुकडे आणि चवीनुसार साखर घालून चमच्याने मिक्स करा.
• दोन ग्लास घेऊन ताक व्यवस्थित मिक्स केल्यानंतर त्यात चवीसाठी जिऱ्याची पावडर घाला आणि बारीक चिरलेली कोथिंबीर घालून ताक पिण्यासाठी सर्व्ह करा.
• ताक कायमच दुपारच्या जेवणानंतर प्यावे. यामुळे खाल्लेले अन्नपदार्थ व्यवस्थित पचन होतात आणि शरीराला फायदे होतात.
• ताकातील प्रोबायोटिक्स पचनसंस्था मजबूत करतात आणि पचनाच्या समस्या उद्भवत नाहीत. ताक प्यायल्यामुळे आतड्यांमध्ये
• जमा झालेले विषारी घटक बाहेर पडून जातात आणि शरीर स्वच्छ होते.