नवीन वर्षाच्या पार्टीनिमित्त घरी आलेल्या पाहुण्यांसाठी बनवा चमचमीत नाचोज प्लेटर, वाचा सोपी रेसिपी

पार्टीसाठी घरी आलेल्या पाहुण्यांसाठी नेमकं काय बनवावं? हा प्रश्न सगळ्यांचं पडतो. अशावेळी तुम्ही नाचोज प्लेटर बनवू शकता. हा पदार्थ कमीत कमी साहित्यामध्ये झटपट तयार होतो. जाणून घ्या नाचोज प्लेटर बनवण्याची सोपी रेसिपी.

नवीन वर्षाच्या स्वागतासाठी सगळेच उत्सुक आहेत. नवीन वर्ष चालू होण्यासाठी अवघे काही तास शिल्लक राहिले आहेत. अनेक ठिकाणी वेगवेगळ्या पार्ट्यांचे आयोजन केले जाते. पार्टीच्या दिवशी स्टेटरमध्ये नेमकं काय बनवावं? हा प्रश्न सगळ्यांचं पडतो. अशावेळी तुम्ही घरी आलेल्या पाहुण्यांसाठी नाचोज प्लेटर बनवू शकता. लहान मुलांपासून मोठ्यांपर्यंत सगळ्यांचं नाचोज आवडतात. बाजारात अनेक वेगवेगळ्या पद्धतीचे नाचोज उपलब्ध आहेत. पण विकत आणलेले नाचोज खाण्यापेक्षा घरी बनवलेले हेल्दी आणि टेस्टी पदार्थ खावेत. लहान मुलांना वेगवेगळ्या फळं भाज्या खायला आवडत नाही. अशावेळी तुम्ही मुलांना या पद्धतीने काहींना काही रेसिपी बनवून भाज्या खाण्यास देऊ शकता. लहान मुलांच्या आरोग्यासाठी भाज्या अतिशय पौष्टिक आहेत. शिवाय तुम्ही पाहुण्यांसाठी बनवलेले नाचोज प्लेटर त्यांना नक्कीच आवडेल. चला तर जाणून घेऊया चमचमीत नाचोज प्लेटर बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• नाचोज
• चीझ
• टोमॅटो सॉस
• कांदा
• टोमॅटो
• शिमला मिरची
• काकडी
• मक्याचे दाणे
• लाल तिखट
• लिंबाचा रस
• मीठ
• काळीमिरी पावडर
• चीझचे तुकडे

नवनवीन रेसिपीसाठी इथे क्लिक करा

साहित्य:

• घरी आलेल्या पाहुण्यांसाठी नाचोज प्लेटर बनवण्यासाठी सर्वप्रथम, सर्व भाज्या स्वच्छ धुवून बारीक चिरून घ्या. भाज्या जास्त जाड चिरू नये.
• मोठ्या ताटात नाचोज व्यवस्थित लावून त्यावर बारीक चिरून घेतलेल्या सर्व भाज्या पसरवून घ्या.
• त्यानंतर त्यावर मक्याचे दाणे, लाल तिखट, मीठ, कोथिंबीर, सलेरीची पाने, लिंबाचा रस आणि काळीमिरी पावडर टाका.
• त्यानंतर वरून चीझचे बारीक करून घेतलेले तुकडे ठेवून वरून किसून घेतलेले चीझ टाका.
• ओव्हनमध्ये नाचोजचे प्लेटर गरम करून घ्या आणि खाण्यासाठी सर्व्ह करा.
• तयार आहे सोप्या पद्धतीमध्ये बनवलेले नाचोज प्लेटर.