थंडीच्या दिवसांमध्ये नियमित करा अळशीच्या लाडूचे सेवन, मधुमेह आणि वाढलेले कोलेस्ट्रॉल राहील नियंत्रणात

थंडीच्या दिवसांमध्ये दैनंदिन आहारात अळशीच्या बियांचे सेवन करावे. यामुळे आरोग्याला अनेक फायदे होतात. त्यामुळेच आज आम्ही तुम्हाला अळशीच्या बियांचे लाडू बनवण्याची सोपी रेसिपी सांगणार आहोत. हे लाडू नक्की बनवून बघा.

थंडीच्या दिवसांमध्ये नियमित करा अळशीच्या लाडूचे सेवन

Follow Us:

Follow Us:

थंडीच्या दिवसांमध्ये हाडांचे दुखणे वाढू लागते. वातावरणात बदल झाल्यानंतर शरीरसंबंधित अनेक समस्या वाढू लागतात. या समस्यांपासून आराम मिळवण्यासाठी अनेक लोक डॉक्टरांच्या सल्ल्याने औषध उपचार करतात. मात्र तरीसुद्धा काहीच फरक दिसून येत नाही. अशावेळी आजारांपासून दूर राहण्यासाठी आहारात पौष्टिक पदार्थांचे सेवन करावे. थंडीच्या दिवसांमध्ये दैनंदिन आहारात अळशीच्या बियांचे सेवन केल्यास शरीराला अनेक फायदे होते. अळशीच्या बियांमध्ये ओमेगा-३ फॅटी ऍसिड आढळून येते, ज्यामुळे शरीराला अनेक फायदे होतात. या बियांच्या सेवनामुळे सांधेदुखी आणि हाडांच्या दुखण्यापासून आराम मिळतो. शिवाय या बियांचे सेवन केल्यामुळे वाढलेली रक्तातील साखर नियंत्रणात राहण्यास मदत होते. पण अनेकांना अळशीच्या बिया खायला आवडत नाहीत. अशावेळी तुम्ही या बियांचा वापर करून लाडू बनवू शकता. आज आम्ही तुम्हाला अळशीच्या बियांचे लाडू बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• अळशीच्या बिया
• गूळ
• सुखं खोबरं
• मेथी दाणे
• तूप
• काजू, बदाम
• वेलची पावडर
• दालचिनी पावडर

नवनवीन रेसिपीसाठी इथे क्लिक करा

कृती:

• अळशीच्या बियांचे लाडू बनवण्यासाठी सर्वप्रथम, अळशीच्या बिया व्यवस्थित भाजून घ्या. बिया जास्त लाल भाजू नये.
• त्यानंतर कढईमध्ये गूळाचा खड्डा टाकून वितळवून घ्या.
• दुसऱ्या पॅनमध्ये खोबरं भाजण्यासाठी ठेवा. खोबरं सोनेरी रंगाचे झाल्यानंतर काढून घ्या.
• मोठ्या बाऊलमध्ये भाजलेले अंबाडीचे दाणे, वितळलेला गूळ, भाजलेले खोबरे, मेथी दाणे, चिरलेला ड्रायफ्रुट्स, दालचिनी पावडर आणि चवीनुसार वेलची पावडर टाकून व्यवस्थित मिक्स करून घ्या.
• मेथी दाणे आणि अळशीच्या बिया तुम्ही मिक्समधून बारीक करून घेऊ शकता.
• तयार केलेले मिश्रण व्यवस्थित मिक्स करून झाल्यानंतर लाडू वळून घ्या. तयार आहेत सोप्या पद्धतीमध्ये बनवलेले अळशीच्या बियांचे लाडू.

Web Title: How to make flaxseed ladoo at home winter special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com