नवरात्री उत्सवात देवीच्या नैवेद्यासाठी १० मिनिटांमध्ये बनवा राजगिऱ्याचा हलवा, नोट करून घ्या रेसिपी

नवरात्री उत्सवात बऱ्याचदा नैवेद्य काय बनवावा हे सुचत नाही. अशावेळी तुम्ही सोप्या पद्धतीमध्ये राजगिऱ्याचा हलवा बनवू शकता. हा पदार्थ कमीत कमी साहित्यामध्ये झटपट तयार होतो.

शारदीय नवरात्री उत्सवाला मोठ्या आनंद आणि उत्साहात सुरुवात झाली आहे. नवरात्रीच्या नऊ दिवसांमध्ये देवीच्या नऊ रूपांची पूजा केली जाते. याशिवाय नऊ माळी पुजल्या जातात. महिलांसह पुरुषसुद्धा नवरात्री उत्सवात नऊ दिवस उपवास करतात. देवीची पूजा करून देवीच्या नऊ दिवस वेगवेगळ्या पदार्थांचा नैवेद्य अर्पण केला जातो. तांदळाची खीर, शेवयांची खीर, शिरा इत्यादी पदार्थ कायमच बनवले जातात. म्हणूनच आज आम्ही तुम्हाला राजगिऱ्याच्या पिठाचा हलवा बनवण्याची सोपी रेसिपी सांगणार आहोत. उपवासाच्या दिवशी राजगिऱ्याचे सेवन केले जाते. त्यामुळे दुपारच्या आहारात किंवा संध्याकाळच्या वेळी छोटी मोठी भूक लागल्यानंतर तुम्ही राजगिऱ्याच्या हलवा खाऊ शकता. राजगिरा हा पदार्थ अतिशय सहज पचन होतो. त्यामुळे कोणत्याही सणाच्या दिवशी किंवा गोड पदार्थ खाण्याची इच्छा झाल्यास तुम्ही राजगिऱ्याचा हलवा बनवू शकता. जाणून घ्या रेसिपी.(फोटो सौजन्य: Pinterest)

सकाळच्या नाश्त्यासाठी वाटीभर बाजरीच्या पिठापासून बनवा हेल्दी टेस्टी बाजरीचे धिरडे, नोट करून घ्या रेसिपी

साहित्य:

• राजगिऱ्याचे पीठ
• तूप
• दूध
• साखर
• सुका मेवा
• जायफळ पावडर
• गुलाबाच्या पाकळ्या

नवरात्रीच्या उपवासाला हलका नाश्ता हवा असेल तर सोप्या पद्धतीमध्ये बनवा साबुदाण्याची तिखट खीर

कृती:

• राजगिऱ्याचा हलवा बनवण्यासाठी सर्वप्रथम, कढईमध्ये तूप गरम करून त्यात राजगिऱ्याचे पीठ मंद आचेवर भाजून घ्या.
• पीठ हलकेसे सोनेरी झाल्यानंतर त्यात गरम केलेले दूध ओतून सतत चमच्याने मिक्स करत राहा.
• दूध आटल्यानंतर तयार आवडीनुसार साखर घालून मिक्स करा. साखर पूर्णपणे मिक्स होईपर्यंत सतत चमच्याने साखर मिक्स करत राहा.
• त्यानंतर त्यात वेलची पावडर, सुका मेवा आणि जायफळ पावडर टाकून व्यवस्थित मिक्स करा.
• सर्व पदार्थ टाकल्यानंतर हलवा मंद आचेवर शिजण्यासाठी ठेवा. हळूहळू हलव्याला तूप सुटेल.
• तयार आहे सोप्या पद्धतीमध्ये बनवलेला राजगिऱ्याचा हलवा. हा पदार्थ घरातील सगळ्यांचं खूप जास्त आवडेल.