संध्याकाळच्या जेवणासाठी करा गरमागरम पांढरी कढी, घरातील सगळ्यांचं आवडेल चविष्ट पदार्थ

दही किंवा ताकाचा वापर करून तुम्ही पांढऱ्या रंगाची झणझणीत कढी दुपारच्या किंवा रात्रीच्या जेवणासाठी बनवू शकता. हा पदार्थ लहान मुलांसह मोठ्यांना खूप जास्त आवडेल.

भातासोबत कायमच गोडी डाळ, तिखट डाळ, आमटी किंवा कोणत्याही कडधान्यांचा रस्सा बनवून खाल्ला जातो. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीमध्ये गरमागरम झणझणीत पांढरी कढी बनवू शकता. दही किंवा ताकापासून बनवलेली कढी खायला सगळ्यांचं खूप जास्त आवडते. कढीचे नाव ऐकल्यानंतर अनेकांच्या तोंडाला पाणी सुटते. जेवणाच्या ताटात जर चमचमीत पदार्थ असतील तर सगळेच खूप जास्त आवडीने जेवतात. महाराष्ट्रीयन घरात प्रामुख्याने कढी पिवळ्या रंगाची बनवली जाते. कढीला रंग येण्यासाठी त्यात हळद टाकली जाते. पण हळद न टाकता बनवलेली कढी सुद्धा चवीला अतिशय सुंदर लागते. पांढऱ्या रंगाच्या कढीसोबत गरमागरम भात किंवा चपतीसुद्धा अतिशय सुंदर लागते. महाराष्ट्रातील विविध भागांमध्ये कढीला वेगवेगळ्या नावाने ओळखले जाते. चला तर जाणून घेऊया गरमागरम कढी बनवण्याची सोपी रेसिपी.(फोटो सौजन्य – pinterest)

‘ही’ खास ट्रिक वापरून घरीच बनवा स्ट्रीट-स्टाईल चिकन नूडल्स, सकाळच्या नाश्त्यात करा चविष्ट बेत

साहित्य:

• दही
• बेसन
• आलं लसूण
• कढीपत्ता
• मीठ
• मोहरी
• लाल सुक्या मिरची
• तूप
• हिरवी मिरची
• साखर
• काळीमिरी पावडर
• कोथिंबीर

प्रोटीनने समृद्ध, मऊ-खमंग तुपात भाजलेला ‘पनीर कुलचा’ वाढवेल जेवणाची चव; नोट करा रेसिपी

कृती:

• पांढरी कढी बनवण्यासाठी सर्वप्रथम, टोपात दही आणि चमचाभर बेसन घेऊन व्यवस्थित मिक्स करा. तयार केलेल्या पेस्टमध्ये पाणी घालून बेसनाच्या गुठळ्या मोडून घ्याव्यात.
• कढईमध्ये तूप गरम करण्यासाठी ठेवा. तूप गरम झाल्यानंतर त्यात मोहरी, हिंग, जिरं, कढीपत्ता, हिरवी मिरची, बारीक केलेलं आलं लसूण घालून खमंग फोडणी भाजा.
• फोडणी व्यवस्थित भाजून झाल्यानंतर त्यात दह्याचे मिश्रण ओतून आवश्यतेनुसार पाणी घालून कढी मंद आचेवर शिजवा.
• त्यानंतर त्यात चवीनुसार मीठ, साखर आणि बारीक केलेली कोथिंबीर घालून कढीला उकळी काढा.
• तयार आहे सोप्या पद्धतीमध्ये बनवलेली पांढरी कढी.