हाताचे काळवंडलेले कोपरे स्वच्छ करण्यासाठी ‘या’ घरगुती पदार्थांचा नक्की करा वापर, हात होतील स्वच्छ

शरीरात होणाऱ्या हार्मोनल बदलांचा परिणाम महिलांच्या आरोग्यावर लगेच दिसून येतो. त्यामुळे शरीरात होणाऱ्या बदलांकडे लक्ष देणे आवश्यक आहे. शरीरात हार्मोन्सचे असंतुलन झाल्यानंतर मान आणि हातांची त्वचा काळवंडून जाते. अशावेळी अनेक महिला डॉक्टरांच्या सल्ल्याने उपचार करतात. मात्र यासोबतच घरगुती उपाय केल्यास त्वचेवरील टॅनिंग निघून जाईल आणि चेहरा स्वच्छ होईल.

हातांचे कोपरे उजळ्वण्यासाठी घरगुती उपाय:

हाताचे काळवंडलेले कोपरे उजळ्वण्यासाठी बटाट्याचा रस आणि लिंबाच्या रसाचा वापर करावा. कारण यामध्ये असलेले घटक नॅचरल ब्लिचिंग एजंट म्हणून त्वचेवर काम करतात. याशिवाय त्वचेवर वाढलेले टॅनिंग कमी करण्यासाठी बाजारात उपलब्ध असलेल्या केमिकल प्रॉडक्टचा वापर करण्याऐवजी घरगुती उपाय करून त्वचेची काळजी घ्यावी. यासाठी वाटीमध्ये बटाट्याचा रस आणि लिंबाचा रस मिक्स करून हातांच्या काळ्या झालेल्या कोपऱ्यांना किंवा मानेवर लावून काहीवेळा तसाच ठेवा. त्यानंतर पाण्याने त्वचा स्वच्छ करून घ्या.

कडक उन्हाळ्यात वाढू शकतो ‘या’ भयानक आजारांचा धोका! लक्ष न दिल्यास उद्भवेल मृत्यूचा धोका, वेळीच घ्या आरोग्याची काळजी

बेसन मधाचा लेप:

वाटीमध्ये बेसन आणि मध एकत्र मिक्स करून घ्या. त्यानंतर त्यानंतर दही घालून जाडसर पेस्ट बनवा. तयार करून घेतलेली पेस्ट संपूर्ण हातांवर आणि मानेवर लावून काहीवेळा तसाच ठेवा. त्यानंतर हलक्या हाताने मसाज करून घ्या. त्यानंतर काहीवेळाने हाताचा कोपरा स्वच्छ धुवून घ्या. हा उपाय नियमित केल्यास त्वचा स्वच्छ होईल आणि काळे डाग निघून जातील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या