Winter Recipe : थंडीत घरी बनवा गरमा गरम आलू-मटर पुलाव; झटपट रेसिपी नोट करा

Aloo Matar Pulao Recipe : बटाटा-मटार टाकून बनवलेला गरमा गरम पुलाव रात्रीच्या जेवणासाठी उत्तम पर्याय ठरतो. मुख्य म्हणजे फार झटपट तो तयार होतो ज्यामुळे आपला वेळ वाचतो. चला जाणून घेऊया याची एक सोपी रेसिपी.

• थंडीच्या दिवसांत बाजारात मटर मोठ्या प्रमाणात उपलब्ध होतात
• जेवणात घरी बनवा आलू-मटर पुलाव
• हिवाळ्यात भात खाण्याची मजाच न्यारी

भारतीय स्वयंपाकात भाताचे पदार्थ अत्यंत महत्त्वाचे मानले जातात. रोजच्या जेवणात भात असतोच, पण कधी काहीतरी हलकं, सुगंधी आणि पटकन होणारं बनवायचं असेल तर पुलाव हा एक उत्तम पर्याय ठरतो. साध्या तांदळाला मसाले आणि हलक्या भाज्या भेटल्या की त्याचा सुगंधच घरभर पसरतो. अशाच सुगंधी आणि चवदार पदार्थांपैकी एक म्हणजे अळू मटर पुलाव.

Soup Recipe : हा 1 सूप पिताच एका महिन्यात कमी होईल 10 किलो वजन! जाणून घ्या रेसिपी 

बटाट्याची नरम चव, मटरची हलकी गोडसर चव आणि मसाल्यांचा सुवास एकत्र मिसळला की हा पुलाव अगदी साध्या जेवणालाही खास बनवतो. बनवायला सोपा असल्यामुळे तो ऑफिस टिफिन, मुलांचे डबे, संध्याकाळचे हलके जेवण किंवा अचानक आलेल्या पाहुण्यांसाठीही योग्य ठरतो. पचायला हलका, दिसायला आकर्षक आणि बनवायला झटपट असा हा पुलाव सर्वांच्याच मनाला भरेल. नोट करा यासाठी लागणारे साहित्य आणि कृती.

साहित्य

• बासमती तांदूळ
• बटाटे (सोलून चौकोनी तुकडे)
• हिरवे मटर (ताजे किंवा गोठवलेले)
• कांदा (बारीक चिरलेला)
• अदरक-लसूण पेस्ट
• हळद
• लाल तिखट
• गरम मसाला
• तमालपत्र
• दालचिनी
• लवंग
• वेलची
• तूप किंवा तेल
• कोथिंबीर (बारीक चिरलेली)
• मीठ
• गरम पाणी

नैवेद्यासाठी नेमकं काय बनवावं सुचत नाही? मग सोप्या पद्धतीमध्ये बनवा मुगाच्या डाळीचा शिरा, नोट करून घ्या रेसिपी

कृती

• यासाठी सर्वप्रथम कढईत किंवा जाड बुडाच्या भांड्यात तेल किंवा तूप गरम करून त्यात तमालपत्र, दालचिनी, लवंग आणि वेलची घालून सुगंध येईपर्यंत परता.
• कांदा घालून तो हलका सोनेरी होईपर्यंत परतावा आणि नंतर अदरक-लसूण पेस्ट घालून काही क्षण परतून घ्यावे.
• यामध्ये चौकोनी चिरलेले बटाटे घालून ते किंचित सोनेरी होऊ द्यावेत. त्यात हिरवे मटर घालून सर्व मिश्रण छान एकत्र करावे.
• हळद, लाल तिखट, गरम मसाला आणि मीठ घालून मसाल्याला छान रंग आणि सुगंध येईल असे परता.
• धुतलेले बासमती तांदूळ घालून त्याला हलक्या हाताने परतून द्यावे, जेणेकरून दाणे तुटणार नाहीत आणि भात मोकळा शिजेल.
• योग्य प्रमाणात गरम पाणी घालून भांडे झाकून मंद आचेवर शिजू द्यावे.
• भात पूर्ण फुलला आणि पाणी शोषले की गॅस बंद करून काही मिनिटे दम द्यावा.
• वरून बारीक चिरलेली कोथिंबीर टाकून गरमागरम पुलाव दही, रायता किंवा लोणच्यासोबत खाण्यासाठी सर्व्ह करा.