वजन वाढतंय पण तोंडाचे चोचले पुरवायचेत? मग घरी बनवा चविष्ट आणि कुरकुरीत असा Diet Chivda

डाएट चिवडा हा फक्त हेल्दीच नाही, तर खूपच स्वादिष्टही असतो! याची रेसिपी फार सोपी, सहज आणि चविष्ट आहे. तुम्ही एकदा बनवून पाहिलात तर तुम्हाला हा चिवडा पुन्हा पुन्हा बनवावासा वाटेल.

सध्याच्या जगात अनेकांना लठ्ठपणाची समस्या सतावत आहे. वाढत्या वजनावर नियंत्रण मिळवण्यासाठी अनेकजण डाएटचा पर्याय निवडतात पण अरबट चरबट खाण्याची इच्छा काही डाएट करू देत नाही. अशात तोंडाचे चोचले देखील पुरवले तर पाहिजेत म्हणूनच आज आम्ही तुमच्यासाठी एक चविष्ट आणि हेल्दी असा पदार्थ घेऊन आलो आहोत. आजच्या आपल्या रेसिपीचे नाव आहे डाएट चिवडा!

अंड्याचा वापर न करता सकाळच्या नाश्त्यासाठी झटपट बनवा केळीचे पॅनकेक, मोठ्यांनाही आवडेल पदार्थ

डाएट करणाऱ्यांसाठी चव आणि आरोग्य यामधील तोल साधणं थोडं कठीण असतं. पण जर तुम्हाला खमंग, कुरकुरीत आणि हलका नाश्ता हवा असेल तर डाएट चिवडा हा एक उत्तम पर्याय आहे. या चिवड्यामध्ये तळलेले साहित्य न वापरता कमी तेलात भाजलेले पोहे, डाळी आणि सुकामेवा वापरला जातो. त्यामुळे तो चविष्ट असूनही पचनास हलका आणि आरोग्यास लाभदायक असतो. हा चिवडा तुम्ही संध्याकाळच्या चहासोबत किंवा मधल्या वेळेस खाऊ शकता. चला जाणून घेऊया यासाठी लागणारे साहित्य आणि कृती.

साहित्य:

• पातळ पोहे – 2 कप
• मूग डाळ – 2 टेबलस्पून
• चणा डाळ – 2 टेबलस्पून
• शेंगदाणे – 2 टेबलस्पून
• बदाम/काजू (इच्छेनुसार) – 1 टेबलस्पून
• कोरडी खोबऱ्याच्या काप – 1 टेबलस्पून
• हिरव्या मिरच्या – 2 (चिरून)
• कढीपत्ता – 8-10 पाने
• हळद – ¼ टीस्पून
• साखर – ½ टीस्पून
• मीठ – चवीनुसार
• जिरं – ½ टीस्पून
• हिंग – एक चिमूट
• ऑलिव्ह ऑईल / कोकोनट ऑईल / तूप – 1 ते 1½ टेबलस्पून

संध्याकाळच्या नाश्त्यासाठी झटपट बनवा उच्च-प्रथिनेयुक्त पनीर कटलेट, पदार्थ पाहून लहान मुलं होतील खुश

कृती:

• यासाठी सर्वप्रथम एका मोठ्या, जाड बुडाच्या कढईत पातळ पोहे मध्यम आचेवर कोरडे खरपूस भाजून घ्या. ते कुरकुरीत झाले की बाजूला काढा.
• त्याच कढईत थोडं तेल टाकून शेंगदाणे खरपूस परतून घ्या आणि काढा.
• आता त्याच तेलात मूग डाळ आणि चणा डाळ थोडीशी कुरकुरीत होईपर्यंत परतून घ्या.
• खोबरं, बदाम/काजू आणि हिरव्या मिरच्या, कढीपत्ता पण हलकं परतून घ्या.
• सर्व परतलेलं साहित्य एका मोठ्या भांड्यात मिसळा.
• आता त्यात भाजलेले पोहे, हळद, साखर, हिंग, मीठ आणि जिरं टाका. सगळं एकत्र नीट मिक्स करा.
• चिवडा थंड होऊ द्या आणि एअरटाइट डब्यात भरून ठेवा.
• तुम्ही यामध्ये ड्राय फ्रूट्स आपल्या आवडीनुसार वाढवू शकता.
• हा चिवडा 2-3 आठवडे साठवून ठेवला जातो.
• ऑईल कमी वापरल्यामुळे तो डाएटसाठी योग्य आहे.

FAQs (संबंधित प्रश्न)

डाएट चिवडा काय आहे?
हा एक नाश्ता आहे, बहुतेकदा पारंपारिक चिवडाचा एक प्रकार आहे, जो आरोग्यदायी पर्याय आहे. यामध्ये सामान्यतः कमी तेल वापरले जाते .

डाएट चिवडा वजन वाढवतो का?
वजन कमी करण्यासाठी अनुकूल आहारात हे एक चविष्ट भर असू शकते. कमी तेलाचे प्रमाण, प्रथिनेयुक्त भाजलेले काजू आणि फायबरयुक्त पोहे यामुळे, तुमच्या वजन कमी करण्याच्या प्रवासात हा एक परिपूर्ण नाश्ता आहे.