Scrambled Egg Recipe! साधा, सोपा आणि चवदार, नाश्त्याला एकदा जरूर बनवून पहा हा विदेशी नाश्ता

सकाळच्या न्याहारीसाठी, हलक्याफुलक्या जेवणासाठी किंवा संध्याकाळच्या स्नॅक्ससाठी ही डिश परफेक्ट आहे. शिवाय काही निवडक साहित्यांपासूनच तुम्ही ही रेसिपी अवघ्या काही मिनिटांतच घरी तयार करू शकता ज्यामुळे तुमचा वेळही वाचेल. अंडा अनेकांच्या आवडीचा आहे अशात एकदा तरी विदेशी नाश्त्याची ही रेसिपी नक्की ट्राय करून पहा.

साहित्य

• अंडी – २
• दूध – २ टेबलस्पून (ऐच्छिक)
• मीठ – चवीनुसार
• मिरी पावडर – ¼ टीस्पून
• बटर किंवा तेल – १ टेबलस्पून
• कांदा – १ लहान (बारीक चिरलेला, ऐच्छिक)
• कोथिंबीर – सजावटीसाठी

कृती

• स्क्रॅम्बल्ड एग बनवण्यासाठी सर्वप्रथम एका बाउलमध्ये अंडी फोडून त्यात मीठ, मिरी पावडर आणि दूध (ऑप्शनल) घालून नीट फेटा.
• नॉनस्टिक पॅनमध्ये बटर किंवा तेल गरम करा.
• कांदा घालून हलकासा गुलाबी होईपर्यंत परतवा.
• आता फेटलेलं अंडं कढईत ओता.
• मध्यम आचेवर अंडं जरा थोडं थोडं शिजायला लागल्यावर स्पॅचुलाने सतत हलवत राहा.
• अंडं हलकेसर फुलायला लागल्यावर छोटे छोटे भाग करून स्क्रॅम्बल करा.
• गरम गरम स्क्रॅम्बल्ड एग ताटात काढा आणि कोथिंबीर घालून सजवा. ब्रेड, टोस्ट किंवा पोळीसोबत सर्व्ह करा.
• अधिक चवदार बनवण्यासाठी त्यात चीज, टोमॅटो किंवा सिमला मिरचीही घालू शकता.

संबंधित बातम्या