थंडीत भाज्यांना नाकारून कसं चालेल, राजस्थानी स्टाईलची ‘बेसन पालक भाजी’ खाल तर बोटंच चाटत रहाल

Besan Palak Bhaji Recipe : रंग, चव आणि सुगंधाने भरलेले राजस्थानी जेवण देशभर प्रसिद्ध आहे. तुम्हाला पालेभाजी खायला आवडत नसेल तर ही भाजी एकदा तुम्ही नक्कीच चाखायला हवी.

• घरी बनवा राजस्थानी जेवणाचा बेत
• बेसन-पालकची ही भाजी चवीला फार चमचमीत लागते
• भाजीची ही रेसिपी रात्रीच्या जेवणाला परफेक्ट डिश आहे

राजस्थानची पाककला रंग, चव आणि परंपरेचं अप्रतिम मिश्रण आहे. तिथल्या गरम हवामानामुळे भाज्यांचे अनेक अनोखे प्रकार तयार केले जातात, ज्यामध्ये बेसनाचा वापर मोठ्या प्रमाणात होतो. बाजरीची भाकरी, दाल-बाटी, गट्टे की सब्जी, केर-सांगरी अशा पदार्थांप्रमाणे बेसन वापरून बनणाऱ्या अनेक डिशेसना खास ओळख आहे. त्याच परंपरेलाच पुढे नेत, आज आपण बनवणार आहोत राजस्थानी स्टाईल बेसन पालक भाजी एक अशी डिश जी आरोग्यदायी, चटकदार, सुगंधी आणि कमी पदार्थांमध्ये झटपट तयार होणारी आहे.

Soup Recipe : हा 1 सूप पिताच एका महिन्यात कमी होईल 10 किलो वजन! जाणून घ्या रेसिपी 

पालकात असलेले आयर्न, कॅल्शियम, व्हिटॅमिन A, C आणि फायबर शरीराला पोषण देतात, तर बेसन भाजीला दाटपणा, चव आणि खास राजस्थानी टच देतो. यात खासपणे वापरण्यात येणारे लाल तिखट, गरम मसाला, सुकी मेथी आणि गोड-तिखट चवींचं संतुलन ही भाजी खूप चविष्ट बनवते. सामान्य पालक भाजीपेक्षा ही भाजी अधिक सुगंधी, मसालेदार आणि रोटीसोबत जबरदस्त लागते. तुम्ही ही भाजी रोजच्या जेवणात, लंचमध्ये किंवा सोपी-स्ट्रॉंग चव हवी असताना कधीही बनवू शकता.

साहित्य

• 2 कप बारीक चिरलेला पालक
• ½ कप बेसन
• 2 टेबलस्पून तेल
• 1 टीस्पून जिरे
• 1 टीस्पून राई
• 1 चिमूट हिंग
• 1 मध्यम कांदा (बारीक चिरलेला)
• 1 टीस्पून लसूण पेस्ट
• 1 टीस्पून आले पेस्ट
• 2 हिरव्या मिरच्या बारीक चिरून
• 1 टीस्पून हळद
• 1½ टीस्पून लाल तिखट
• 1 टीस्पून धणे पूड
• ½ टीस्पून गरम मसाला
• 1 टीस्पून सुकी मेथी (कसूरी मेथी)
• चवीनुसार मीठ
• 1 ते 1½ कप पाणी

Winter Recipe : थंडीत घरी बनवा गरमा गरम आलू-मटर पुलाव; झटपट रेसिपी नोट करा

कृती

• यासाठी सर्वप्रथम पालकाची पाने धुवून कापून घ्या.
• दुसरीकडे एका मिक्सरच्या भांड्यात टोमॅटो, आलं, हिरवी मिरची एकत्र करून पेस्ट तयार करा.
• आता एका वाडग्यात चिरलेली पालक, हळद, मसाला, मीठ, तयार पेस्ट आणि बेसन टाकून सर्व साहित्य एकजीव करून घ्या.
• आता एका तव्यावर तेल गरम करून यात तयार पिठ पसरवून खमंग असा चिला तयार करून घ्या.
• तयार चिल्याचे आता रोल करून बारीक तुकडे तयार करून घ्या.
• गॅसवर दुसरी कढई ठेवून त्यात चिरलेला कांदा परतून घ्या.
• आता त्यात लसूण पेस्ट, आले पेस्ट आणि हिरव्या मिरच्या घाला. मिश्रण सुगंधी होईपर्यंत 1 मिनिट परता.
• यानंतर हळद, लाल तिखट, धणेपूड आणि मीठ घाला. मसाले जळू नयेत म्हणून थोडेसे पाणी टाकून 30 सेकंद परता.
• शेवटी यात चवीनुसार मीठ आणि पालकाच्या चिल्याचे तुकडे घाला आणि गॅस बंद करा.
• गरम गरम राजस्थानी स्टाईल बेसन पालक भाजी गरम चपाती, बाजरीच्या भाकरी किंवा ज्वारीच्या भाकऱ्यांसोबत अप्रतिम लागते.