नेहमीच बोरिंग सामोसा सोडा, आता घरी बनवा मसालेदार ‘चिकन सामोसा’, चव अशी कुटुंबातील सर्वच होतील खुश

Chicken Samosa Recipe : सामोसा तर आपल्या सर्वांनाच खायला फार आवडतो. पण तुम्हाला माहिती आहे का? तुम्ही कुरकुरीत आणि मसालेदार असा चिकन सामोसा देखील तयार करू शकता.

• सामोसा हा भारताचा एक फेमस स्ट्रीट फूड आहे.
• सामोसा साधारण बटाट्याच्या स्टफिंगने भरलेला असतो.
• पण तुम्हाला माहिती आहे का? तुम्ही चिकन सामोसा देखील बनवू शकता.

भारतातील सर्वात लोकप्रिय स्नॅक्सपैकी एक म्हणजे समोसा. पावसाळ्यात गरमागरम चहासोबत किंवा रमजानमध्ये इफ्तारच्या वेळेला समोसा हा अनेक घरांमध्ये हमखास बनवला जातो. बटाट्याच्या सारणासोबत आपण नेहमी समोसा खातो, पण नॉनव्हेज प्रेमींसाठी चिकन समोसा हा खास आणि अधिक चविष्ट पर्याय आहे. बाहेरून कुरकुरीत आणि आतून मसालेदार, रसाळ चिकनचे सारण असलेला हा समोसा प्रत्येक घासागणिक अप्रतिम चव देतो.

भाजी खायला आवडत नाही? मग घरी बनवा ‘पालकाची चपाती’, रंगाने आकर्षित अन् आरोग्याला पौष्टिक

चिकन समोसा बनवताना योग्य मसाल्यांचा समतोल आणि सारणातील ओलावा टिकवणे खूप महत्त्वाचे असते. हा समोसा तुम्ही पार्टी, वाढदिवस, इफ्तार किंवा खास पाहुण्यांसाठी स्टार्टर म्हणून सहज बनवू शकता. चला तर मग पाहूया खमंग आणि कुरकुरीत चिकन समोसा कसा बनवायचा याची रेसिपी जाणून घेऊया.

साहित्य

कव्हरसाठी:

• २ कप मैदा
• ३ टेबलस्पून गरम तेल (मोहनासाठी)
• चिमूटभर मीठ
• पाणी (पीठ मळण्यासाठी)

सारणासाठी:

• २५० ग्रॅम उकडलेले आणि बारीक चिरलेले/किसलेले चिकन
• १ मोठा कांदा बारीक चिरलेला
• १ टेबलस्पून आलं-लसूण पेस्ट
• २ हिरव्या मिरच्या बारीक चिरलेल्या
• १/२ टीस्पून हळद
• १ टीस्पून लाल तिखट
• १ टीस्पून गरम मसाला
• १/२ टीस्पून धणेपूड
• १/२ टीस्पून जिरेपूड
• २ टेबलस्पून कोथिंबीर
• मीठ चवीनुसार
• १ टेबलस्पून तेल

चहासोबत मिळेल परफेक्ट टेस्ट! १० मिनिटांमध्ये झटपट बनवा खमंग कुरकुरीत तांदळाची भजी, नोट करा रेसिपी

कृती

• सर्वप्रथम एका भांड्यात मैदा, मीठ आणि गरम तेल घालून चांगले मिसळा. थोडेथोडे पाणी घालून घट्ट पीठ मळा आणि २० मिनिटे झाकून ठेवा.
• कढईत तेल गरम करून त्यात कांदा परता. कांदा सोनेरी झाला की आलं-लसूण पेस्ट आणि हिरव्या मिरच्या घालून परता.
• आता हळद, लाल तिखट, धणेपूड, जिरेपूड आणि गरम मसाला घालून चांगले परता. त्यात उकडलेले चिकन आणि मीठ घालून मिश्रण छान परता.
• गॅस बंद करून त्यात कोथिंबीर घाला आणि मिश्रण पूर्ण थंड होऊ द्या.
• पीठाचे लहान गोळे करून पातळ पुरी लाटा. ती अर्धी कापून कोन तयार करा. त्यात चिकनचे सारण भरून कडा पाण्याने चिकटवून समोसा तयार करा.
• कढईत तेल गरम करा. मध्यम आचेवर समोसे सोनेरी आणि कुरकुरीत होईपर्यंत तळा.
• गरमागरम चिकन समोसे हिरवी चटणी किंवा टोमॅटो सॉसबरोबर सर्व्ह करा.
• समोसे मंद आचेवर तळल्यास ते अधिक कुरकुरीत होतात.
• तुम्ही हवे असल्यास त्यात थोडे उकडलेले मटारही घालू शकता.
• हे समोसे तुम्ही एअर फ्रायरमध्येही बनवू शकता.
• खमंग, मसालेदार आणि कुरकुरीत चिकन समोसा तयार आहे.