पावसाच्या थंड वातावरणात घरी बनवा गरमा गरम स्ट्रीट स्टाइल Chicken Momos

अवकाळी पावसात तुम्हालाही काही गरमा गरम आणि टेस्टी खाण्याची क्रेव्हिंग होत असेल तर चिकन मोमोज तुमच्यासाठी एक उत्तम पर्याय आहे. अनेकांना हे ठाऊक नाही पण अगदी सोप्या पद्धतीने स्ट्रीट स्टाईल मोमोज घरीच तयार केले जाऊ शकतात.

मोमोज ही एक तिबेटियन आणि नेपाळी उगमाची पारंपरिक डिश आहे, पण अलीकडे ती भारतात खूपच लोकप्रिय झाली आहे. चिकन मोमोज हे विशेषतः तरुणाईमध्ये खूपच आवडते स्ट्रीट फूड आहे. हे वाफवलेले आणि तळलेले दोन्ही प्रकारात बनवले जातात. बाजारात व्हेज, नॉनव्हेज दोन्ही प्रकारे मोमोज बनवले जातात. आज मात्र आम्ही तुमच्यातही चिकन मोमोजची एक सोपी आणि टेस्टी रेसिपी घेऊन आलो आहोत.

नेहमीचे कांदापोहे खाऊन कंटाळा आल्यास सकाळच्या नाश्त्यासाठी झटपट बनवा पोह्यांचे चविष्ट कटलेट

बाहेरून मैद्याचे पातळ आवरण आणि आतील मसालेदार ज्युसी चिकन यांचे संमिश्र चवीला अप्रतिम लागते. सध्या अवकाळी पावसाने सर्वत्र थैमान घातला आहे. यानिमित्ताने अनेकांना पावसात खाल्ल्या जाणाऱ्या पदार्थांची क्रेव्हिंग होत आहे. यातीलच एक प्रसिद्ध पदार्थ म्हणजे मोमोज. थंड वातावरणात मोमोजची चव मनाला शांती आणि तृप्ती देऊन जाते. स्ट्रीट स्टाइल मोमोज खायला तुम्हाला आवडत असेल तर आजची ही रेसिपी तुमच्या फायद्याची ठरणार आहे. चला जाणून घेऊया चिकन मोमोज बनवण्यासाठी लागणारे साहित्य आणि कृती.

साहित्य

• मैदा – २ कप
• मीठ – १/२ टीस्पून
• तेल – १ टेबलस्पून
• पाणी – आवश्यकतेनुसार (गूंधण्यासाठी)
• मॅश केलेले चिकन – २५० ग्रॅम
• कांदा – १ मध्यम, बारीक चिरलेला
• लसूण – ५-६ पाकळ्या (बारीक चिरलेले)
• आले – १ इंचाचा तुकडा (बारीक चिरलेला)
• हिरवी मिरची – १ (इच्छेनुसार)
• कोथिंबीर – थोडीशी
• सॉय सॉस – १ टीस्पून
• काळी मिरी पूड – १/२ टीस्पून
• मीठ – चवीनुसार
• तेल – १ टेबलस्पून

साधा, सोपा, झटपट नाश्ता! घरी बनवून पाहा Egg Burger; निवडक साहित्यांची गरज अन् 10 मिनिटांतच होतो तयार

कृती

• चिकन मोमोज बनवण्यासाठी सर्वप्रथम मैदा, मीठ आणि तेल एकत्र करून थोडंसं पाणी घालून घट्ट पीठ मळून घ्या
  झाकून ३० मिनिटे बाजूला ठेवा
• एका बाऊलमध्ये सर्व भराव्याचे साहित्य (किमान चिकन, कांदा, लसूण, आले, कोथिंबीर, सॉस, मिरी, मीठ) एकत्र करून चांगले मिक्स करा
• हे मिश्रण थोडा वेळ फ्रीजमध्ये ठेवले तरी चालेल – चव खुलते
• पिठाचे लहान गोळे करून पोळीइतके लाटून त्यात १ चमचा फिलिंग ठेवा
• काठ नीट एकत्र करून पाणी लावून चिकटवा व वेगवेगळ्या आकारात बंद करा
• इडली पात्र किंवा स्टीमरमध्ये थोडं तेल लावून मोमोज ठेवा
• १०-१५ मिनिटं झाकण ठेवून वाफवा. बाहेरून पारदर्शक दिसायला लागले की ते तयार आहेत
• गरम गरम मोमोज शेजवान चटणी, टोमॅटो गार्लिक चटणी किंवा मेयोनीज बरोबर खाण्यासाठी सर्व्ह करा
• हवे असल्यास हे मोमोज डीप फ्राय करून क्रिस्पी पद्धतीनेही खाल्ले जाऊ शकतात