रविवारचा बेत करा खास, घरी बनवा हैरदराबादी स्टाईल ‘हरियाली चिकन’, रेसिपी जिंकेल सर्वांची मन

Hariyali Chicken Recipe : हरियाली चिकन ही हैदराबादची एक चविष्ट भाजी आहे जी चपाती, भाकरीसोबत खाल्ली जाऊ शकते. याची झणझणीत आणि सुगंधित चव नॉनव्हेज प्रेमींचे मन जिंकून घेते.

• रविवार म्हणजे नॉनव्हेज खाण्याचा दिवस.
• सुट्टीच्या या दिवशी घरी काही खास बनवा.
• जाणून घ्या हरियाली चिकनची चविष्ट रेसिपी.

हैदराबादी पाककृतींची चव आणि सुगंध संपूर्ण भारतात प्रसिद्ध आहे. मसाल्यांचा खास वापर, ताज्या हिरव्या पालेभाज्या आणि हर्ब्समुळे या पदार्थांना एक वेगळीच चव मिळते. हैदराबादमध्ये बिर्याणी, कबाब आणि विविध प्रकारच्या चिकन डिशेस खूप लोकप्रिय आहेत. त्यापैकीच एक चविष्ट आणि झटपट बनणारा पदार्थ म्हणजे हैदराबादी ग्रीन चिकन.

Summer Recipe : उन्हाळयात आता घरीच बनवा थंडगार आणि सर्वांच्या आवडीचा ‘फालुदा’, रेसिपी नोट करा

या डिशची खासियत म्हणजे त्यामध्ये वापरलेली हिरवी पेस्ट. कोथिंबीर, पुदिना, हिरव्या मिरच्या आणि मसाल्यांपासून तयार केलेली ही पेस्ट चिकनला एकदम फ्रेश आणि मसालेदार चव देते. त्यामुळे हा पदार्थ रंगाने हिरवा, सुगंधाने आकर्षक आणि चवीला खूपच लज्जतदार लागतो. हा पदार्थ भात, जिरा राईस, नान किंवा रोटीबरोबर खूप छान लागतो. खास पाहुणे आले असतील किंवा वीकेंडला काहीतरी वेगळं खायचं असेल तर ही रेसिपी नक्की करून पाहा.

साहित्य

• 500 ग्रॅम चिकन
• 1 कप कोथिंबीर
• ½ कप पुदिन्याची पाने
• 3–4 हिरव्या मिरच्या
• 1 मोठा कांदा (बारीक चिरलेला)
• 1 चमचा आले-लसूण पेस्ट
• ½ कप दही
• ½ चमचा हळद
• 1 चमचा धणेपूड
• ½ चमचा जिरेपूड
• 1 चमचा गरम मसाला
• 2 चमचे तेल
• चवीनुसार मीठ
• थोडा लिंबाचा रस

लग्नाच्या पंगतीमधील चमचमीत मसाला भात आता घरीच बनवा, खमंग पदार्थाने वाढेल जेवणाची चव

कृती

• सर्वप्रथम मिक्सरमध्ये कोथिंबीर, पुदिना, हिरव्या मिरच्या आणि थोडंसं पाणी घालून बारीक हिरवी पेस्ट तयार करा.
• एका भांड्यात चिकन घ्या. त्यात दही, हळद, आले-लसूण पेस्ट आणि मीठ घालून चांगलं मिक्स करा. 20–30 मिनिटे मॅरिनेट होऊ द्या.
• कढईत तेल गरम करा. त्यात चिरलेला कांदा घालून सोनेरी रंग येईपर्यंत परता.
• आता त्यात धणेपूड, जिरेपूड आणि तयार केलेली हिरवी पेस्ट घालून 2–3 मिनिटे परता, जेणेकरून मसाल्यांचा सुगंध येईल.
• मॅरिनेट केलेलं चिकन कढईत घाला आणि सर्व मसाल्यांबरोबर चांगलं मिक्स करा. झाकण ठेवून मध्यम आचेवर 15–20 मिनिटे शिजू द्या.
• चिकन शिजल्यावर त्यात गरम मसाला आणि लिंबाचा रस घाला. 2 मिनिटे शिजू द्या.
• गरमागरम हैदराबादी ग्रीन चिकन तयार आहे. वरून थोडी कोथिंबीर घालून नान, रोटी किंवा भातासोबत सर्व्ह करा.