Holi Food: होळीसाठी बनवा खास मसालेदार बटाटा सारणासह डाळ कचोरी, स्पेशल मेन्यू

होळीमध्ये पुरणपोळी तर असतेच पण अनेक ठिकाणी कचोरीचाही स्वाद घेतला जातो. यावर्षी तुम्ही बटाट्याच्या मसालेदार सारणासह घरीच बनवा कचोरी आणि सर्वांचा आनंद करा द्विगुणित, खाऊन व्हा खुष

‘होळी रे होळी पुरणाची पोळी’ हे तर परंपरागत आपण कायम ऐकत आलो आहोत आणि नेहमची परंपरेनुसार होळीच्या दिवशी पुरणाच्या पोळीची मजा घेत आलोय. पण होळीच्या या सणासाठी अनेक पदार्थ आपल्या भारतात बनवले जातात आणि उत्तरेकडे कचोरी खाणे हादेखील एक पर्याय होळीच्या दिवशी निवडला जातो. आपल्याला कचोरी म्हणजे स्वीट्स मार्टमधून विकत आणून खाणे हाच एक पर्याय माहीत आहे. 

मात्र यावर्षी तुम्ही होळीच्या दिवशी घरच्या घरीही कचोरी तयार करून आपल्या घरच्यांना सुखद धक्का देऊ शकता. होळीच्या दिवशी तुम्ही मूगडाळीची कचोरी बटाट्याच्या सारणासह बनवा आणि सर्वांची वाहवा मिळवा. यासाठी शेफ दीपक गोरे, इन हाऊस कलिनरी शेफ, टाटा संपन्न, टाटा कंझ्युमर प्रॉडक्ट लिमिटेड (TCPL) यांनी साहित्य आणि विधी दिला आहे. मग वाट कसली पाहताय लागा लगेच तयारीला आणि करा साहित्याची ऑर्डर 

साहित्य

कचोरीसाठी पीठ:

• मैदा – 2 कप
• ऑरगॅनिक इंडिया तूप – 4 टेबलस्पून
• टाटा मीठ – ½ टीस्पून
• पाणी – ¾ कप

प्रयागराजची प्रसिद्ध खस्ता कचोरी आता घरीच बनवा, संध्याकाळचा नाश्ता होईल आणखीनच खास

सारणासाठी:

• टाटा संपन्न मूग डाळ (तुरीट) – 25 ग्रॅम
• टाटा संपन्न उडीद डाळ – 25 ग्रॅम
• डाळ भिजवण्यासाठी – आवश्यकतेनुसार पाणी
• ऑरगॅनिक इंडिया तूप – 4 टेबलस्पून
• टाटा संपन्न बडीशेप – 1 टीस्पून
• टाटा संपन्न जिरे – 1 टीस्पून
• टाटा संपन्न धणे – 1 ½ टेबलस्पून
• टाटा संपन्न हिंग – ¼ टीस्पून
• टाटा संपन्न हळद – ¼ टीस्पून
• टाटा संपन्न काश्मीरी लाल तिखट – 2 ½ टीस्पून
• टाटा संपन्न धणे पावडर – 1 टेबलस्पून
• टाटा संपन्न गरम मसाला – 1 टीस्पून
• टाटा संपन्न चाट मसाला – 1 टेबलस्पून
• मीठ – चवीनुसार
• टाटा संपन्न बारीक बेसन – ¼ कप
• बारीक चिरलेली हिरवी मिरची – 2 लहान
• उकडून सोललेला आणि मॅश केलेला बटाटा – 2 मध्यम आकाराचे

संध्याकाळच्या नाश्त्याला बनवा बटाटयाची खुसखुशीत कचोरी, झटपट रेसिपी नोट करा

कशी आहे कृती

कचोरीसाठी सारण:

• एका भांड्यात मूंग डाळ आणि उडीद डाळ 2 तास भिजत ठेवा. पाणी काढून मिक्सरमध्ये भरडसर वाटून घ्या आणि बाजूला ठेवा
• कढईत ऑरगॅनिक इंडिया तूप गरम करून त्यात बडीशेप, जिरे, धणे आणि हिंग घालून मंद आचेवर परतून सुगंध येऊ द्या
• हळद, लाल तिखट, धणे पावडर, गरम मसाला, चाट मसाला आणि मीठ घालून मंद आचेवर परता
• त्यात बेसन टाकून मंद आचेवर भाजा जोपर्यंत बेसनला छान सुगंध येत नाही
• आता वाटलेली डाळ आणि मॅश केलेला बटाटा घालून नीट मिक्स करून ५ मिनिटे शिजवा. मिश्रण पूर्ण थंड होऊ द्या

कचोरीसाठी पीठ:

• एका मोठ्या भांड्यात मैदा, मीठ घालून व्यवस्थित मिक्स करा. त्यात तूप टाकून चांगले चोळून घ्या, जेणेकरून पीठ ओलसर वाटेल
• पाणी घालून मऊ आणि नरम पीठ मळून घ्या
• पीठाला तेलाचा हलका हात लावून ३० मिनिटे झाकून ठेवा

कचोरी भरणे आणि तळणे :

• पीठाचा लहान गोळा घेऊन हाताने मळून घ्या आणि हलक्या हाताने लाटून घ्या
• त्यात तयार केलेले मसालेदार बटाटा-डाळ सारण ठेवा. पीठाची कड बाजूने गोळा करून नीट बंद करा आणि हलक्या हाताने लाटून घ्या
• तेल गरम करून मंद आचेवर कचोरी तळायला ठेवा. कचोरी आपोआप वर यायला ३ मिनिटे लागतात, तोपर्यंत हलवू नका
• नंतर हलक्या हाताने उलटा-पलटी करून दोन्ही बाजूंनी सोनेरी आणि कुरकुरीत होईपर्यंत तळा
• कचोरी टिश्यू पेपरवर काढून अतिरिक्त तेल निघू द्या
• मूगडाळ कचोरी तयार! चिंचेच्या चटणी, गोड दही, तिखट पुदिना चटणी आणि शेव सोबत सर्व्ह करा

होळीसाठी काय करायचं हे कळत नसेल तर हा लेख नक्कीच तुमची मदत करेल. यावर्षी खुसखुशीत आणि चविष्ट अशी कचोरी तुमची होळी करेल अधिक मजेशीर!