Nagpanchami 2025 : पारंपरिक मिठाईने होईल सण साजरा; घरी बनवा गोडसर ‘पुरणाचे दिंड’

पुरणाच्या दिंडांसह सणासुदीचा गोडवा वाढवा! नागपंचमीनिमित्त आज आम्ही तुमच्यासाठी एका पारंपरिक आणि चविष्ट रेसिपी घेऊन आलो आहोत, ज्याचे नाव आहे पुरणाचे दिंड. याचा मधुर सुगंध आणि गोडसर चव सर्वांनाच याकडे आकर्षित करेल.

श्रावण महिना लवकरच सुरु होणार आहे आणि यासह सुरु होणार आहेत सर्व सण! हा सण हिंदू धर्मात फार पवित्र महिना मानला जातो. श्रावणात येणारा पहिला सण म्हणजे नागपंचमी! हा सण मोठ्या उत्साहाने साजरा केला जात असून यादिवशी नागदेवताची पूजा करून त्याचा आशीर्वाद घेतला जातो. तसेच घरी गोडाधोडाचे जेवणही बनवले जाते.

१० मिनिटांमध्ये झटपट बनवा चविष्ट लाल भोपळ्याचे भरीत, पावसाळ्यात पचनासाठी ठरेल अतिशय हलका पदार्थ

गणपती, नागपंचमी किंवा श्रावणातील शुभ मुहूर्तांवर बनवल्या जाणाऱ्या पारंपरिक मिठाईंपैकी एक म्हणजे पुरणाचे दिंड. पुरणपोळीच्या थोड्या वेगळ्या आणि खास वाफवलेल्या या स्वरूपाला ‘दिंड’ म्हणतात. चविष्ट, पौष्टिक आणि सणासुदीच्या दिवशी नैवेद्याला योग्य असा हा गोड प्रकार अगदी घरच्या घरी सोप्या पद्धतीने करता येतो. चला तर मग वेळ न घालवता यासाठी लागणारे साहित्य आणि कृती जाणून घेऊया.

साहित्य:

पुरणासाठी:

• हरबरा डाळ – 1 कप
• गूळ – ¾ कप
• वेलची पूड – ½ टीस्पून
• जायफळ पूड – ¼ टीस्पून
• तूप – 1 टेबलस्पून

आवरणासाठी (कणिक):

• तांदळाची पिठी – 1 कप
• मीठ – चिमूटभर
• तूप – 1 टीस्पून
• गरम पाणी – गरजेनुसार

गटारी स्पेशल : स्टार्टर्सला ट्राय करा काहीतरी नवीन; घरी बनवा टेस्टी Sweet And Spicy Chicken

कृती:

• पुरणाचे दिंड तयार करण्यासाठी सर्वप्रथम हरबरा डाळ स्वच्छ धुऊन 2 तास भिजवून ठेवा.
• कुकरमध्ये डाळ 2-3 शिट्ट्या होईपर्यंत शिजवून घ्या.
• शिजलेली डाळ गाळा आणि पाणी वेगळं काढा (या पाण्यापासून तुम्ही तिखट सार तयार करू शकता).
• डाळ आणि गूळ एकत्र करून मंद आचेवर ढवळा, घट्ट होईपर्यंत शिजवा.
• त्यात वेलची पूड, जायफळ पूड व थोडं तूप घालून मिश्रण गार होऊ द्या.
  गार झाल्यावर छोटे गोळे तयार करा.
• तांदळाची पिठी चाळून घ्या आणि मग त्यात चिमूटभर मीठ, 1 टीस्पून तूप आणि गरम पाणी टाकून मऊ पीठ मळा.
• पीठ झाकून 20-25 मिनिटे झाकून ठेवा.
• पीठाचे छोटे गोळे करून पुरीसारखे थोडेसे हाताने पसरवा.
• त्यात एक पुरणाचा गोळा ठेवा आणि नीट बंद करून गोळा तयार करा.
• हे गोळे थोडेसे हाताने थापून दाबा.
• एका वाफवायच्या पात्रात केळीचे पान (किंवा तेल लावलेली प्लेट) ठेवा.
• तयार केलेले दिंड त्यावर लावा, 10-15 मिनिटे मध्यम आचेवर वाफवून घ्या.
• दिंड थोडं तुपासोबत गरम गरम सर्व्ह करा.
• याचा मधुर सुगंध घरातील सर्वांनाच याकडे आकर्षित करेल आणि जो तो म्हणेल, ‘मग आज काय स्पेशल’.
• तांदळाच्या पिठाचा वापर केल्यामुळे दिंड हलकी लागतात.
• गूळ आणि डाळीचं प्रमाण तुमच्या चवीनुसार तुम्ही बदलू शकता.