गटारी स्पेशल : स्टार्टर्सला ट्राय करा काहीतरी नवीन; घरी बनवा टेस्टी Sweet And Spicy Chicken

आजही ही रेसिपी एखाद्या पार्टीसाठी किंवा विकेंडसाठी एक परफेक्ट स्टार्टर डिश आहे. याची चव इतकी कमाल आहे की, खाताक्षणी सगळ्यांच्या तोंडातून "वा!" निघेल. नोट करा सोपी आणि झटपट चिकन रेसिपी!

(फोटो सौजन्य: Pinterest)

Follow Us:

Follow Us:

गटारीच्या मेजवानीत काही नवीन आणि चवदार करण्याच्या विचारात असाल तर आजची ही रेसिपी तुमच्या मेन्यूमध्ये समाविष्ट व्हायलाच हवी. आज आम्ही तुमच्यासाठी घेऊन आलो आहोत चिकनची एक टेस्टी, क्रिस्पी आणि स्पायसी डिश जि चवीला अप्रतीम लागते. ही एक स्टार्टर डिश आहे, तुम्ही पार्टीज किंवा कोणत्या खास प्रसंगी देखील हा पदार्थ बनवून ट्राय करू शकता.

लहान मुलांच्या डब्यासाठी १० मिनिटांमध्ये झटपट बनवा चमचमीत लसूण पराठा, नोट करून घ्या पदार्थ

क्रिस्पी स्वीट चिली चिकन ही एक झटपट बनणारी, कुरकुरीत, आणि थोडीशी गोडसर आणि तिखट अशी परफेक्ट स्टार्टर रेसिपी आहे. पार्टी असो वा खास डिनर, ही रेसिपी नेहमीच हिट ठरते. तुम्हाला चिकन खायला आवडत असेल तर तुम्ही ही रेसिपी नक्कीच ट्राय करायला हवी. याची चव तुम्हालाच काय तर तुमच्या घरच्यांनाही खुश करेल आणि तुमच्या गटारीच्या मेजवानीची रंगत वाढवेल. चला जाणून घेऊया यासाठी लागणारे साहित्य आणि कृती.

साहित्य

चिकन मॅरिनेशनसाठी:

• बोनलेस चिकन (क्यूब्स) – २५० ग्रॅम
• अंडं – १
• कॉर्नफ्लोअर – २ टेबलस्पून
• मैदा – २ टेबलस्पून
• आले-लसूण पेस्ट – १ टीस्पून
• काळी मिरी पूड – ½ टीस्पून
• मीठ – चवीनुसार
• तेल – तळण्यासाठी

सॉससाठी:

• स्वीट चिली सॉस – २ टेबलस्पून
• टोमॅटो सॉस – १ टेबलस्पून
• सोया सॉस – १ टीस्पून
• लाल तिखट किंवा चिली फ्लेक्स – ½ टीस्पून
• मध – १ टीस्पून (ऐच्छिक – गोडसर चव हवी असल्यास)
• आले-लसूण पेस्ट – ½ टीस्पून
• तेल – १ टेबलस्पून
• कांदापात किंवा ताजी कोथिंबीर – सजावटीसाठी

गटारी स्पेशल : बिर्याणीची झंझट नको वाटते मग यंदाच्या मेजवानीत करा मसालेदार चिकन खिचडीचा बेत

कृती

• यासाठी सर्वप्रथम एका बाउलमध्ये चिकनचे तुकडे, आले-लसूण पेस्ट, अंडं, मैदा, कॉर्नफ्लोअर, काळी मिरी पूड आणि मीठ एकत्र करून मिक्स करा. १५-२० मिनिटांसाठी मॅरिनेट करून ठेवा.
• कढईत तेल गरम करून मॅरिनेट केलेले चिकन मध्यम आचेवर कुरकुरीत आणि सोनेरी रंग येईपर्यंत तळून घ्या.
• एका टिश्यू पेपरवर काढा जेणेकरून अतिरिक्त तेल निघून जाईल.
• दुसऱ्या पॅनमध्ये १ टेबलस्पून तेल गरम करा. त्यात आले-लसूण पेस्ट घालून हलके परतवा.
• आता त्यात स्वीट चिली सॉस, टोमॅटो सॉस, सोया सॉस, चिली फ्लेक्स आणि मध घालून मिक्स करा. सॉस २-३ मिनिटे मंद आचेवर उकळू द्या.
• तळलेले चिकन सॉसमध्ये घालून चांगले परतून घ्या, जेणेकरून सगळ्या तुकड्यांवर सॉस व्यवस्थित लागेल.
• वरून कांदापात किंवा कोथिंबीर घालून सजवा आणि गरम गरम सर्व्ह करा.
• अजून कुरकुरीतपणा हवा असल्यास चिकन डबल फ्राय करू शकता.
• व्हेज व्हर्जनसाठी पनीरचा वापर करू शकता.
• झणझणीत, गोडसर आणि कुरकुरीत क्रिस्पी स्वीट चिली चिकन तयार आहे!

Web Title: Gatari special note down crispy sweet chili chicken recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com